मरकुस 4:11 - गढवली नयो नियम

¹¹ यीशु ल ऊंमा बोलि तुम तैं त परमेश्वर का राज्य कि सचै की समझ दियीं च पर मि पर भरोसो नि रखण वलो कु सब बात मिसाल मा हूंदी।

Garhwali

¹¹ अर वेन ऊंतैं जबाब दिनी, “तुमतै त परमेस्वर का राज का भेदों तैं समझण को दान दियूं च, पर दुसरा लोगु तैं मितैं उदारण मा बतौण पोड़दु,

मरकुस 4:11 Referans Kwoze

मत्ती 11:25

वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।

लूका 8:10

यीशु ल बोलि, “तुम तैं त परमेश्वर का राज्य कि सचै की समझ दियीं च अर सुनण का बाद भि नि समझदियां औरों तैं मिसाल दे के सुंणै जांणु च इलै की उ दिखण का बाद भि नि देखि सकदींनि अर सुनण का बाद भि नि समझीनि।”

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

1 थिस्सलुनीकी 4:12

कि अविश्वासी, देखा कि तुम हर दिन कन बरतौ करदां, अर तुम्हरो आदर कैरा, अर ज्यां भि चीजों की तुम तैं जरूरत च वां कु तुम तैं कै और पर भि निर्भर नि रौंण पुड़लो।

कुलुसी 4:5

हर एक मौका कु अच्छो इस्तेमाल कैरा, यु दिखणु कु कि तुम विश्वासी छा, अर जु लोग यीशु पर विश्वास नि करदींनि वे दगड़ी समझदारी दगड़ी बरतौ कैरा।

1 तीमुथियुस 3:7

अर उ मण्डलि का भैर वलो का बीच भि अच्छो अर इज्जतदार आदिम हो, कि वेकी बदनामी नि हो, अर उ शैतान का जाल मा नि फसिं जौं।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

मत्ती 16:17

यीशु ल वे तैं जवाब दींनि, “हे शमौन पतरस योना का नौंना तु धन्य छै किलैकि न मांस अर न ल्वे ल पर मेरा बुबा ल जु स्वर्ग मा च वेल य बात त्वे पर प्रगट कैरी।”

मत्ती 13:16

पर धन्य छिन तुमारा आंखा कि उ दिखदा छिन अर तुमारा कंदूड़ कि उ सुंणदा छिनी।

1 कुरिन्थि 4:7

कु बुल्द कि तुम दूसरों बट्टी महान छा? जु कुछ भि तुम मा च, उ पिता परमेश्वर ल तुम तैं दियुं च, त तुम्हरो वे पर बड़ो मोन कनु कु कुई अधिकार नि बणद।

मरकुस 3:23

अर यीशु उ सभि लुखुं तैं अपड़ा संमणी बुलै के ऊंमा मिसाल दे के बुल्ण लगि गै कि क्य शैतान अपड़ा ही दुष्टात्मा तैं लुखुं मा बट्टी भैर निकलणु कु मजबूर कैर सकद?

मरकुस 4:2

अर उ, ऊं तैं मिसाल दे के भौत सैरी बात सिखौण लगि गै, अर अपड़ा उपदेश का द्वारा ऊंमा बोलि।

मरकुस 4:10

जब यीशु यखुली रै गै त वेका दगड़ियों ल उ जु वेका नजीक छा अर ऊं बारहों चेलों समेत वे बट्टी ईं मिसाल का बारा मा पूछि की यांको क्य मतलब च।