मरकुस 4:10 - गढवली नयो नियम

¹⁰ जब यीशु यखुली रै गै त वेका दगड़ियों ल उ जु वेका नजीक छा अर ऊं बारहों चेलों समेत वे बट्टी ईं मिसाल का बारा मा पूछि की यांको क्य मतलब च।

Garhwali

¹⁰ अर जब यीशु इखुली छौ, त जौं लोगु न वे उदारण का बारा मा सुणी छौ ऊं मदि वेका बारह चेला न, अर कुछ और लोगु न वे उदारण को मतलब वेसे पूछी।

मरकुस 4:10 Referans Kwoze

मरकुस 4:34

उ भीड़ तैं मिसाल मा ही शिक्षा दींदो छो अर बगैर मिसाल का परमेश्वर का राज्य का बारा मा कुछ नि बुल्द छो पर एकुंत मा अपड़ा चेलों तैं सब बातों कु मतलब बतौंदु छो।

मरकुस 7:17

जब यीशु वीं भीड़ तैं छोड़ी कै घौर गै त, वेका चेलों ल वेमा ईं मिसाल का मतलब का बारा मा पूछि।

मत्ती 13:36

तब यीशु भीड़ तैं छोड़ी के घौर मा ऐ अर वेका चेलों ल वेका संमणी ऐ के बोलि, पुंगड़ा मा कु जंगली बीज की मिसाल हम तैं समझै दे।

मत्ती 13:3

अर वेल ऊं दगड़ी मिसाल दे के भौत सी बात करिनी एक बुतै कन वलो बीज बुतुणु कु अपड़ा पुंगडा मा गै।

मरकुस 4:9

अर वेल बोलि, जु कुई ईं बात तैं सूंणि सकदु जु मि बुल्ण छौं उ यु तैं समझ भि ल्यो।

मरकुस 4:11

यीशु ल ऊंमा बोलि तुम तैं त परमेश्वर का राज्य कि सचै की समझ दियीं च पर मि पर भरोसो नि रखण वलो कु सब बात मिसाल मा हूंदी।