मरकुस 3:23 - गढवली नयो नियम

²³ अर यीशु उ सभि लुखुं तैं अपड़ा संमणी बुलै के ऊंमा मिसाल दे के बुल्ण लगि गै कि क्य शैतान अपड़ा ही दुष्टात्मा तैं लुखुं मा बट्टी भैर निकलणु कु मजबूर कैर सकद?

Garhwali

²³ अर यीशु न ऊंतैं अपणा पास बुलै के बोलि, “शैतान खुद ही शैतान तैं कनकै निकाळि सकदु।”

मरकुस 3:23 Referans Kwoze

मत्ती 13:34

यु सब बात यीशु लुखुं तैं मिसाल का रूप मा ही शिक्षा दींदो छो अर बगैर मिसाल का परमेश्वर का राज्य का बारा मा कुछ नि बुल्द छो।

मरकुस 4:2

अर उ, ऊं तैं मिसाल दे के भौत सैरी बात सिखौण लगि गै, अर अपड़ा उपदेश का द्वारा ऊंमा बोलि।

मत्ती 4:10

तब यीशु ल वेमा बोलि, “हे शैतान दूर हवे जा” किलैकि परमेश्वर का वचन मा लिख्युं च “तु प्रभु अपड़ा परमेश्वर तैं प्रणाम कैर अर भस वेकी आराधना कैर।”

मत्ती 13:3

अर वेल ऊं दगड़ी मिसाल दे के भौत सी बात करिनी एक बुतै कन वलो बीज बुतुणु कु अपड़ा पुंगडा मा गै।

मरकुस 3:24

अर जै राज्य का लोग छुट्टा टुकड़ा मा बटयां हो अर आपस मा लड़ै कन रौनु तब उ राज्य कनके ठिक रै सकदु?

मरकुस 4:11

यीशु ल ऊंमा बोलि तुम तैं त परमेश्वर का राज्य कि सचै की समझ दियीं च पर मि पर भरोसो नि रखण वलो कु सब बात मिसाल मा हूंदी।

मरकुस 12:1

फिर वेका बाद यीशु यहूदी अगुवों तैं मिसाल दे के ऊंका दगड़ा मा बात कन लगि गै, “एक आदिम ल अपड़ा अंगूर का बगिचा मा कुछ अंगूर लगैन अर वेका चौतरफी बाड़ भि बंधि अर रस कु कुंड भि खैणि अर गुम्मट बणै अर किसानों तैं किराया पर दे के एक लम्बी यात्रा मा परदेश चलि गै।”