मरकुस 2:16 - गढवली नयो नियम

¹⁶ अर मूसा की व्यवस्था तैं सिखांण वलो ल अर फरीसियों ल यु देखि, कि उ त पापियों अर चुंगि लींण वलो दगड़ी खांणु-खांणु च, अर वेका चेलों मा बोलि, उ त चुंगि लींण वलो का अर पापियों का दगड़ी खांणु पींणु च।

Garhwali

¹⁶ अर शास्‍त्री अर फरीसी दल का लोगु न देखि कि यू त चुंगी लेण वळो अर इन्‍नि दुसरा पापियों का दगड़ा मा खाणुक खाणु च, त ऊंन यीशु का चेलों कू बोलि, “तुमरो गुरु चुंगी लेण वळो अर ऊंका ही जन दुसरा पापि लोगु का दगड़ा मा खाणुक किलै खान्दु?”

मरकुस 2:16 Referans Kwoze

लूका 19:10

किलैकि मि मनिख कु नौंनो हरच्यां लुखुं तैं खुज्योंणु कु अर ऊं तैं बचौणु कु अयुं छों।

लूका 18:11

फरीसी खड़ो हवे के अपड़ा मन मा इन कै परमेश्वर बट्टी प्रार्थना कन लगि गै हे परमेश्वर मि तेरु धन्यवाद करदु कि मि दुसरा लुखुं कि तरौं अंधेर कन वलो अन्यायी अर व्यभिचारी नि छौं अर न ही चुंगि लींण वला कि तरौं छौं।

1 कुरिन्थि 2:15

उ लोग जु तैं पवित्र आत्मा मिली च, उ ऊं सभि चीजों तैं समझी सकदींनि जु पवित्र आत्मा सिखांद। पर जूं लुखुं मा पवित्र आत्मा नि च ऊं लुखुं की विचारों तैं नि समझी सकदींनि जु मा पवित्र आत्मा च।

खास चेलों 23:9

तब भौत बड़ो घपरौल हवे गै अर मूसा की व्यवस्था तैं सिखांण वलो का कुछ शिक्षकों ल, जु फरीसी छा, उठि के यु बोलि के बहस कन लगि गैनी, “हम यु आदिम मा कुई भि बुरै नि पांणा छा; अर दुष्टात्मा या स्वर्गदूत ल वे बट्टी बात कैरी त फिर क्य?”

लूका 19:7

यु देखि के लोग बबड़ट कन लगि गैनी “यीशु त एक पापी मनिख का घौर चलि गै।”

इब्रानी 12:3

इलै प्रभु यीशु का उदाहरणों पर ध्यान कैरा, कि अधर्मियों (पापियों) ल वे बट्टी कथग नफरत कैरी जु वे तैं सतौंदा छ; इलै तुम भि निराश हवे के साहस नि छोड़ा।

मरकुस 2:7

कि यु मनिख इन कन कै बोलि सकदु? यु त परमेश्वर की बुरै कनु च भस परमेश्वर ही पाप माफ कैरी सकदु?

मत्ती 18:17

जु उ ऊंकी भि नि मांणु त मण्डलि मा जै कै बोलि दे पर जु उ मण्डलि कि भि नि मांणु त वेका दगड़ी वे जन ही बरतौ किये जौं तुम कै अन्यजाति या चुंगी लींण वलो का दगड़ी किये जौ।

मत्ती 9:11

यु देखि के फरीसियों ल यीशु का चेलों मा बोलि, “तुमारो गुरु चुंगि लींण वलो का अर पापियों का दगड़ी खांणु किलै खांदु”

मत्ती 5:46

किलैकि जु तुम अपड़ा ही प्रेम रखण वलो का दगड़ी प्रेम रखा त परमेश्वर तुम तैं प्रतिफल नि दयाला किलैकि चुंगि लींण वला भि इन ही करदींनि?

मरकुस 2:15

अर बाद मा यीशु अर वेका चेला वेका घौर मा राती कु खांणु-खांण कु बैठिनि अर भौत सा चुंगि लींण वलो अर पापी भि वेका दगड़ी खांणु-खांण कु बैठयां छा किलैकि भौत सा लोग छा जु वेका पिछनै अयां छा।

लूका 5:30

अर मूसा की व्यवस्था तैं सिखांण वला ल अर फरीसियों यीशु का चेलों बट्टी यु बोलि के कुड़कुड़ाण लगि गैनी “तुम चुंगि लींण वलो अर पापियों का दगड़ी किलै खांदी पींदा।”