मरकुस 16:9 - गढवली नयो नियम

⁹ इतवार का दिन सुबेर ले के यीशु ज्यूँदो हवे सबसे पैली मरियम जु मगदल गौं की छै ल वे तैं देखि जैं बट्टी यीशु ल पैली सात दुष्टात्मा निकाली छै।

Garhwali

⁹ हप्‍ता का पैला दिन सुबेर होन्दी यीशु मुरदो मा बटि ज्यून्द होण पर सबसे पैलि मगदला गौं की मरियम तैं दिखै, अर या वा ही जनानि च जिं मा बटि यीशु न सात खबेसों तैं निकाळि छौ।

मरकुस 16:9 Referans Kwoze

लूका 8:2

अर उ भैर वे दगड़ी छा अर भौत सी जनन भि जु दुष्टात्माओं बट्टी अर बिमारियों बट्टी छुड़ैये गै छै अर उ ही छिन मरियम जु मगदल गौं की छै अर जीं मा बट्टी सात दुष्टात्मा निकली छै।

यूहन्ना 20:12

द्वी स्वर्गदूतों तैं उज्यला कपड़ा पैर्यां छा एक तैं सिरांणा अर दुसरा तैं पैथणा बैठयूं देखि, जख यीशु कु शव रखै गै छो।

मरकुस 15:47

मरियम जु मगदल गौं की छै अर याकूब अर योसेस कि ब्वे मरियम दिखणी छै कि यीशु तैं ऊंल कख रखि।

लूका 24:10

जौंन बारह प्रेरितों तैं यु बात बतै उ मरियम जु मगदल गौं की छै अर यूहन्ना अर याकूब कि ब्वे मरियम अर ऊंका दगड़ा कि अर जनन भि छै।

मत्ती 27:56

ऊंमा मरियम जु मगदल गौं की छै अर याकूब अर योसेस कि ब्वे मरियम अर जब्दी का नौंनो कि ब्वे छै।

मरकुस 15:40

कथग ही जनन भि दूर बट्टी दिखणी छै: ऊंमा मरियम जु मगदल गौं की छै अर याकूब अर योसेस कि ब्वे मरियम अर सलोमी छै।

दिब्य दरस 1:10

मि विश्राम का दिन पिता परमेश्वर की आत्मा ल मेरी अगुवाई कैरी, अर मि तैं अपड़ा पिछनै एक आवाज बुल्द सुणै। य आवाज तुरै की आवाज का जन ऊंची छै।

1 कुरिन्थि 16:2

हफ्ता का पैला दिन तुम मा बट्टी हर आदिम अपड़ी तनखा का अनुसार कुछ अफ मा रखा कैरा, कि मेरा आंण पर तुम तैं चन्दा कठ्ठा नि कन पोडो।

खास चेलों 20:7

हप्ता का पैला दिन जब हम प्रभु भोज कु कट्ठा हुयां त पौलुस ल जु दुसरा दिन जांण वलो छो, ऊं बट्टी बात कैरी, अर अधा राती तक शिक्षा दींणु रै।

मरकुस 16:8

अर उ जनन यीशु की कब्र बट्टी भाजि गैनी किलैकि डौर के उ कौंपणी छै अर ऊं पर घबराट छै गै ऊंल रस्ता मा पतरस तैं और कै तैं भि कुछ नि बतै किलैकि उ डरणी छै।