मरकुस 13:33 - गढवली नयो नियम

³³ देखा बिज्यां रावा अर पिता परमेश्वर बट्टी प्रार्थना करदी रावा किलैकि तुम नि जंणदयां कि उ बगत कब आलो जब मि वापिस औलु।

Garhwali

³³ इलै चौकस रा अर बिज्यां रा, किलैकि तुम नि जणद्‍यां कि उ बगत कब ऐ जालु।

मरकुस 13:33 Referans Kwoze

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

लूका 12:40

तुम मेरा लौटण कु तैयार रावा किलैकि मि मनिख कु नौंनो जै बगत पर स्वर्ग बट्टी आलो जब तुम मेरा आंणै की भि उम्मीद नि करदा होला किलैकि वीं बगत तुम सुचदा भि नि होला।

दिब्य दरस 16:15

दुष्टात्माओं का शासकों तैं अर ऊंकी सेनाओं तैं वीं जगह पर कठ्ठा कैरी जै तैं इब्रानी भाषा मा हर-मगिदोन बुल्दींनि। इलै प्रभु यीशु ल बोलि, “य बात सूंणा। मेरू आंण चोर का जन अचानक होलो। धन्य च उ आदिम जु मेरा आंण पर बिज्यूं हो, अर अपड़ा कपड़ोंं तैं तैयार रखो। तब उ नंगी नि होला अर कुछ भि ऊं तैं शर्मिंदा नि करलो चाहे उ भैर भौत स लुखुं का बीच मा भि किलै नि जौं।”

1 पतरस 5:8

हमेशा तैयार रावा, अर बिज्यां रावा, किलैकि शैतान, तुम्हरो दुश्मन तुम पर हमला कन चांद कि तुम पिता परमेश्वर की आज्ञाओं को पालन नि कैरा। उ घुरांण वला शेर का जन च, जु अगनैं घुमद रौंदो कि उ कै तैं खै साक।

1 पतरस 4:7

सभि बातों कु अन्त तुरंत हूंण वलो च; इलै स्पष्ट रूप से सोचा अर अपड़ा आप तैं काबू मा रखि के प्रार्थना कु चौकस रा।

मत्ती 25:13

इलै बिंज्या रावा किलैकि तुम नि जंणदयां मेरा वापिस औंण का उ दिन अर उ बगत कब आलो।

दिब्य दरस 3:2

इलै, जागि जा, अर मि पर अपड़ा विश्वास तैं मजबूत कैर जब तक त्वे मा कुछ विश्वास बच्युं च, कि यु पूरा ढंग से खत्म नि हवे जौं। मि जंणदु छो कि तेरी कमी भौत ही बड़ी च किलैकि जु तू कनी छै पिता परमेश्वर वे बट्टी खुश नि च।

1 कुरिन्थि 16:13

चौकस रावा, अर लगातार विश्वास मा भि बणयां रावा, हिम्मतवला बणा, अर पिता परमेश्वर का दगड़ी अपड़ा रिश्ता तैं मजबूत रखा।

मरकुस 13:23

पर तुम चौकस रयां मिल सभि घटनाओं तैं तुम तैं पैली बट्टी बतयले।

इब्रानी 12:15

अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

कुलुसी 4:2

चौकस हवे के प्रार्थना मा लगयां रावा अर हमेशा पिता परमेश्वर कु धन्यवाद करदी रावा।