मरकुस 11:21 - गढवली नयो नियम

²¹ पतरस तैं व बात याद ऐ अर वेल यीशु मा बोलि, “गुरु जी देख यु बेडु कु डालो जै तैं तिल श्राप दे छो उ जौड़ा बट्टी सूखि गै।”

Garhwali

²¹ अर पतरस तैं वा बात याद ऐ तब वेन यीशु कू बोलि, “गुरुजी, ये डाळा कू तुमुन बोलि छौ कि त्वे पर लग्यां फल फिर कभि कुई नि खौऽ, इख देखा, तिमला को यू डाळु सूखि गै।”

मरकुस 11:21 Referans Kwoze

1 कुरिन्थि 16:22

जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।

मत्ती 25:41

तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।

मत्ती 23:7

अर बाजारों मा सम्मान का दगड़ी प्रणाम अर मनिख्युं का बीच ऊं तैं गुरु कहलांण अच्छो लगदु।

मत्ती 21:19

अर सड़क का किनारा पर एक बेडु को डालो देखि कै यीशु वेका नजदीक गै, अर पत्तों तैं छोड़ी के वे मा और कुछ नि पै यीशु ल वे डाला कु दंड दे के बोलि, “अब बट्टी त्वे पर कभि फल नि लगुनु”अर उ बेडु को डाला तुरंत सूखि गै।

मत्ती 23:8

पर तुम अफ तैं गुरु नि समझयां किलैकि तुमारो एक ही गुरु च अर तुम सभि विश्वासी भयों जन छा।

यूहन्ना 4:31

इथग मा यीशु का चेला ल यु बिनती कन लगि गैनी हे गुरु कुछ खै ले।