मरकुस 11:20 - गढवली नयो नियम

²⁰ फिर दुसरा दिन सबेर मा जब यीशु अर वेका चेला वापिस यरूशलेम शहर की तरपां जांण छा त ऊंल वे बेडु का डाला तैं जौड़ा तक सुख्युं देखि।

Garhwali

²⁰ मगर दुसरा दिन जब ऊ सुबेर लेके वे ही बाटा बटि वापिस जाणा छा, त चेलों न वे तिमला का डाळा तैं देखि, कि उ जलुड़ो समेत सूखि गै।

मरकुस 11:20 Referans Kwoze

मत्ती 15:13

वेल जवाब दींनि “हरेक व डाली ज्वा मेरा स्वर्गीय बुबा ल नि लगै व उखाड़े जालि।”

यूहन्ना 15:6

जु कुई मि मा बणयुं नि रालो त उ फौंकि कि तरौं फुंड ढुलै जांदु अर सूखि जांदु” अर लोग वे तैं बटोरी कै आग मा झौंकि दींद अर उ फुके जांद।

मरकुस 11:14

यां पर यीशु ल वे डाला कु दंड दे के बोलि, “अब बट्टी त्वे पर कभि फल नि लगुनु” अर वेका चेला सुनणा छा।

मत्ती 13:6

अर जब घाम निकली त वे फुके गैनी अर जौड़ा कमजोर हूंण का कारण जल्दी सूखि गैनी।

यहूदा 1:12

जब यु लोग प्रभु का प्रेम तैं याद कैरी के तुम दगड़ी प्रीति भोज मा खांणु खंदींनि, त यु ऊं खतरनाक चट्टानों का जन छिनी जु समुद्र का मूड़ी छिपियां छिनी जु तुम्हरा डुबणों को कारण बंणि सकदींनि। उ ऊं बेशर्म चरवाहों का जन छिनी जु भस अपड़ी ही चिन्ता करदींनि। उ ऊं बादलों का जन छिनी जु धरती पर बरखा करयां बगैर भस गरजणा रौदींनि। उ ह्यूंद का मौसम का डाला जन छिनी जु द्वी तरपां बट्टी मुरयां हूंदींनि, किलैकि उ कुई फल नि दींदिनि अर जौड़ा बट्टी उखड़ जंदींनि।

इब्रानी 6:8

पर दुसरा लोग वीं धरती का जन छिनी जु कांडों अर झिबलांण तैं पैदा करदींनि अर कै काम का नि छिनी; यु लोग पिता परमेश्वर का द्वारा श्रापित हूंणा का खतरा मा छिनी अर यु मा पैदा हूंण वली बेकार चीजों तैं आग मा फूंकी दयालो।

मत्ती 21:18

सुबेर मा जब यीशु शहर कु वापिस जांणा छा त तब वे तैं भूख लगि।

मरकुस 11:12

हैंका दिन जब यीशु अर वेका चेला बैतनिय्याह गौं बट्टी यरूशलेम शहर गैनी त यीशु तैं भूख लगि।