मत्ती 9:6 - गढवली नयो नियम

⁶ ज्यां बट्टी तुम जांणि जां कि, “मि मनिख कु नौंनो धरती पर पाप माफ कनु कु भि अधिकार रखदु छों तब वेल लकवा का रोगी कु बोलि मि त्वे कु बुल्णु छौं उठ अपड़ी खाट उठै के घौर चलि जा।”

Garhwali

⁶ मगर मि यू इलै बोन्‍नु छौं, ताकि तुम लोग या बात जाणि जा कि मनखि का पुत्र का पास धरती पर पाप माफ करणु को अधिकार च।” तब यीशु न लकवा पोड़यां रोगी कू बोलि, “उठ, अर अपणा बिस्तर का फंचा तैं उठौ, अर अपणा घौर चलि जा।”

मत्ती 9:6 Referans Kwoze

मत्ती 9:5

सौंगु क्य च? इन बुल्ण कि तेरा पाप माफ हवेनि या इन बुल्ण कि उठ अर चल फिर?

2 कुरिन्थि 2:10

जैको तुम कुछ पाप माफ करदा वे तैं मि ही माफ करदु, किलैकि जब मि तैं माफ कने की जरूरत हूंदी, त मि तुम्हरा फैदा कु मसीह का अधिकार का दगड़ी इन करदु।

कुलुसी 3:13

अर जु कै तैं, कै हैंका पर भंगार लगौंणौ कु कुई कारण हो, त एक हैंका कि सै ल्यावा, अर एक हैंका का अपराध माफ कैरा; जन प्रभु ल तुमारा अपराध माफ करिनी, उन ही तुम भि कैरा।

इफिसुस 4:32

एक दुसरा पर मयलदु, अर दयावन्त हो, अर जन परमेश्वर मसीह मा तुमारा पाप माफ करिनि, उन ही तुम भि एक दुसरा अपराध माफ कैरा।

2 कुरिन्थि 5:20

इलै हम मसीह का राजदूत छा; किलैकि पिता परमेश्वर शुभ संदेश तैं स्वीकार कनु कु हमारा द्वारा लुखुं बट्टी निवेदन करद, अर वेका हम तैं दूसरों का बीच शान्ति बनांण कु काम दियुं च कि पिता परमेश्वर दगड़ी मेल कैरी ल्या।

खास चेलों 9:34

जब पतरस ल वे बट्टी बोलि, “हे एनियास! यीशु मसीह त्वे तैं ठिक करदो। उठ, अपड़ो बिस्तरा उठौ!” तब उ तुरंत उठि गै।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

यूहन्ना 17:2

किलैकि तिल मि तैं सब लुखुं पर अधिकार दियूं च कि जै तैं तिल मि दियुं च ऊं सभियूं तैं मि अनन्त जीवन द्यों।

यूहन्ना 10:28

अर मि ऊं तैं अनन्त जीवन दींदो, उ कभि नष्ट नि होलि, अर कुई ऊं तैं मेरा हथ बट्टी नि लुछी सकदो।

लूका 5:21

तब कई मूसा की व्यवस्था तैं सिखांण वला अर फरीसी अपड़ा मन मा विचार कन लगि गैनी कि यु मनिख इन कन कै बोलि सकदु? यु त परमेश्वर की बुरै कनु च भस परमेश्वर ही पाप माफ कैरी सकदु।

मरकुस 2:10

मि चांदु छो की तुम जांणि जां कि मि मनिख कु नौंनो धरती पर पाप माफी कनु कु भि अधिकार रखदु वेल वे लकवा का रोगी कु बोलि।

मरकुस 2:7

कि यु मनिख इन कन कै बोलि सकदु? यु त परमेश्वर की बुरै कनु च भस परमेश्वर ही पाप माफ कैरी सकदु?

मत्ती 8:20

यीशु ल वेमा बोलि, “स्यालुं का उडयारुं अर आसमान का चलखुडों का घोल हूंदींनि पर मि मनिख कु नौंना कु स्यूंणु कु एक घौर भि नि च जख मि स्ये साको।”

मत्ती 4:24

अर सैरा सीरिया प्रदेश का देश मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।

मत्ती 9:2

अर देखा कथग ही लोग एक लकवा का रोगी तैं चार मनिख खाटलो मा उठवै के वेका संमणी लैनि यीशु ल ऊंका विश्वास तैं देखि के बोलि, “हे नौंना ढाडस रख तेरा पाप माफ हवे गैनी।”

मत्ती 9:7

अर उ उठि के अर अपड़ी खाट उठै के अर सभियूं का संमणी बट्टी निकली अपड़ा घौर चलि गै।

यूहन्ना 5:8

यीशु ल वे लकवा का रोगी कु बोलि, मि त्वे कु बुल्णु छौं उठ अपड़ी खाट उठै के चल फिर।”

यूहन्ना 5:27

अर किलैकि मि मनिख कु नौंनो छों पिता परमेश्वर ल मि तैं सभि लुखुं पर न्याय कनु कु अधिकार दियुं च इलै की मि मनिख कु नौंनो छों।