मत्ती 7:13 - गढवली नयो नियम

¹³ “तुम परमेश्वर का राज्य मा संगड़ा फाटक ल ही प्रवेश कैरा, किलैकि चौड़ु च उ बट्टो अर सरल च उ फाटक जु विनाश की तरपां लिजांद, अर भौत सैरा लोग यां बट्टी प्रवेश करदींनि।”

Garhwali

¹³ अर यीशु न भीड़ का लोगु तैं एक उदारण देके इन बोलि, “संगड़ा द्‍वार बटि जाणे की पूरि कोसिस कैरा, किलैकि विणास की तरफा लि जाण वळु बाटु भौत चौड़ु च, अर वेको द्‍वार भि भौत बड़ु च अर भौत सा लोग छिन जु की ये बाटा बटि भितर जाणा छिन।

मत्ती 7:13 Referans Kwoze

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 10:9

मि द्वार छौं, मेरा द्वारा भितर आंण वलो कु परमेश्वर उद्धार करलो अर भितर भैर आंण जांण करलो अर खांण कु खांणु पालो।

गलातियों 5:24

उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।

मत्ती 3:2

कि, “पापों तैं मांणी कै मन फिरावा किलैकि स्वर्ग कु राज्य नजदीक ऐ गै।”

मत्ती 3:8

इलै मन फिराव का योग्य काम कैरा।

2 कुरिन्थि 6:17

इलै प्रभु हम बट्टी अपड़ा वचन मा बुल्द, “ऊं लुखुं का बीच बट्टी भैर ऐ जा जु पिता परमेश्वर का पिछनै नि चलदींनि। अर जु रावा; अर उ चीज जु मिल अशुद्ध अर वर्जित करिनि ऊं बट्टी दूर रयां, त मि तुम तैं स्वीकार करुलु;

मत्ती 23:13

हे कपटि मूसा की व्यवस्था तैं सिखांण वलो अर फरीसियों हाय च तुम पर, तुम लुखुं कु स्वर्ग का राज्य मा प्रवेश कने की अनुमति नि दींदां त अफ वे द्वार बट्टी भितर जंदा अर वां बट्टी भितर जांण वलो तैं भि भितर नि जांण दींदां।

फिलिप्पी 3:19

ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

1 यूहन्ना 5:19

हम जंणदा छा, कि हम पिता परमेश्वर की सन्तान छा, अर सैरी दुनिया वे दुष्ट शैतान का वश मा च।

मत्ती 25:46

अर उ जु बैंं अर छा अनन्त विनाश की सजा भुगला पर धर्मी लोग अनन्त जीवन मा वास करला।

मत्ती 25:41

तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।

दिब्य दरस 13:8

अर सभि जु धरती पर रौन्दींनि उ जानवर की आराधना करला, मतलब कि, उ सभि लोग जु का नौं दुनिया की शुरुआत बट्टी चिनखा की जीवन की किताब (चाम्रपत्र) मा नि लिखै गैनी। चिनखो उ ही च जु मोरि गै छो।

रोमियों 9:22

कि पिता परमेश्वर ल अपड़ो गुस्सा दिखांणु अर अपड़ी सामर्थ प्रगट कने की इच्छा बट्टी गुस्सा का मनिख्युं तैं जु भांडों का जन छिनी, जौं तैं नाश कन तय कैरे गै।

लूका 14:33

उ ही मेरू चेला च जु मि कु अपड़ो सब कुछ छोड़ी दींद।

दिब्य दरस 12:9

यु बड़ो अजगर, उ ही च जु भौत बगत पैली गुरो का रूप मा दिखै छो, जै तैं शैतान या भंगार लगांण वलो भि बुल्दींनि। यु उ ही च जु ईं दुनिया का लुखुं तैं धोखा दींद अर अपड़ा दुष्टदूतों का दगड़ी धरती पर पटकी गै।

लूका 9:33

जब उ वेका संमणी बट्टी जांण गैनी त पतरस ल यीशु कु बोलि, “हे गुरु हमारो इख रांण अच्छो च हम इख तीन डेरा बणौला एक त्वे कु, एक मूसा कु, अर एक एलिय्याह कु।” उ जंणदु नि छो कि क्य बुल्णु च।

मत्ती 7:14

किलैकि संकुरु च उ फाटक अर कठिन च उ बट्टो जु अनन्त जीवन कु पौंछौदु अर कुछ ही छिन जु वे तैं पौदींनि।