मत्ती 7:11 - गढवली नयो नियम

¹¹ जब तुम बुरा हवे के अपड़ा नौंना बालों तैं भलि चीज दींण जंणदा छा त तुमारो स्वर्गीय बुबा अपड़ा मंगण वलो तैं भलि वस्तु किलै नि दयाला?

Garhwali

¹¹ अरे जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त स्वर्ग मा रौण वळु तुमरो पिता तुमरा मंगण पर तुमतै अच्छी चीज किलै नि द्‍यालु?

मत्ती 7:11 Referans Kwoze

याकूब 1:17

किलैकि हर एक अच्छो वरदान अर हर एक उत्तम दान पिता परमेश्वर बट्टी ही च अर वे बट्टी ही मिल्दो, जैल आसमान की ज्योतियों तैं बणै। पिता परमेश्वर हमेशा एक ही जन च अर कभि भि छैल का तरौं नि बदलद।

रोमियों 8:32

पिता परमेश्वर ल अपड़ा एकलौता नौंना यीशु मसीह तैं भि नि रख छोड़ी, पर वे तैं हम पर कृपा कैरी के अपड़ा दुश्मनों तैं सौंपी दींनि, उ हम तैं उ सब कुछ भि दयालो जु वेल हम बट्टी करार कैरी छै।

यूहन्ना 3:16

किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

1 यूहन्ना 3:1

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।

रोमियों 3:19

हम जंणदा छा, कि परमेश्वर की व्यवस्था जु कुछ बुल्दी, ऊंमा ही बुल्दी, जु परमेश्वर का वचन का अधीन छिनी, कि लुखुं तैं बहाना बनांण बट्टी रोक साका, अर दुनिया का सभि लोग पिता परमेश्वर का संमणी भंगारी छिनी।

गलातियों 3:22

पर पिता परमेश्वर का वचनों बट्टी पता चलदु च कि हम सभि पापी छा, इलै यीशु मसीह पर विश्वास रखण बट्टी पिता परमेश्वर हम तैं उपहार दयालो ज्यांकी नई प्रतिज्ञा पिता परमेश्वर की करीं च।

रोमियों 3:9

त क्य हम यहूदी लोग, यूनानी अन्यजाति लुखुं बट्टी बड़िया छा? क्य हम यहूदी अन्यजातियों बट्टी भि मजबूत छा? लगदु त नि च; किलैकि हम यहूदियों अर अन्यजातियों दुयूं पर भंगार लगै येलि कि उ सब लोग पाप का अधीन छिनी।

मत्ती 7:10

इन्ही कुई भि आदिम अपड़ा नौंना तैं माछा मांग त वे तैं जहरीला गुरो नि दींद।

मत्ती 23:9

अपड़ा बुबा तैं छोड़ी कै कुई भि धरती मा बुबा का पद तैं आदर नि दींदां किलैकि तुमारो एक ही बुबा च जु कि स्वर्ग मा च।