मत्ती 6:10 - गढवली नयो नियम

¹⁰ तेरु राज्य औ। तेरी इच्छा जन स्वर्ग मा पूरी हूंदी च उन ही धरती पर भि पूरा हो।

Garhwali

¹⁰ तुमरो राज अऽ। अर जन तुमरि मनसा स्वर्ग मा पूरि होन्दी ठिक उन्‍नि ईं धरती पर भि पूरि हो।

मत्ती 6:10 Referans Kwoze

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

यूहन्ना 4:34

यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

मत्ती 26:42

यीशु एक बार फिर से वापिस चलि गै अर उन ही पिता परमेश्वर बट्टी प्रार्थना कैरी, “हे मेरा बुबा जु यु मेरा पियां बगैर नि हटि सकदु त तेरी मनसा पूरी हो।”

मत्ती 12:50

किलैकि, “जु कुई मेरा स्वर्गीय बुबा कि मनसा पर चलो उ ही मेरा भैय अर मेरी बैंण अर मेरी ब्वे छिन।”

1 थिस्सलुनीकी 5:18

हरेक हालत मा धन्यवाद द्यवा; किलैकि मसीह यीशु मा तुम कु पिता परमेश्वर कि या ही मनसा च।

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

यूहन्ना 6:40

किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

इफिसुस 6:6

अर यु सभि दिखांणु कु पर ऊं तैं खुश कना का मकसद बट्टी न बल्कि मसीह का सेवक का जन काम कैरा, जु अपड़ा पूरा मन बट्टी उ ही करदींनि जु परमेश्वर चांदु उ कैरा,

मत्ती 7:21

“जु मि कु हे प्रभु”हे प्रभु बुल्द ऊंमा बट्टी हर एक स्वर्ग का राज्य मा भितर नि जांण पालो पर उ ही जु मेरा स्वर्गीय बुबा कि मनसा पर चलदो।

1 पतरस 2:15

किलैकि पिता परमेश्वर की य इच्छा च, कि हमारा अच्छा बरतौ का द्वारा, जु लोग पिता परमेश्वर तैं नि जणदींनि, उ अगनैं कु हम पर गलत ढंग से भंगार लगौंण की हिम्मत नि कैरा, किलैकि य बात साफ च की ऊंका झूठा भंगार सच नि च।

मत्ती 3:2

कि, “पापों तैं मांणी कै मन फिरावा किलैकि स्वर्ग कु राज्य नजदीक ऐ गै।”

लूका 22:42

“हे मेरा बुबा जु तु चहै त यु दुःख बट्टी बचो जु मि पर आंण वली च आप कु सब कुछ सम्भव च फिर भि बुबा तेरी ही इच्छा पूरी हो मेरी न।”

यूहन्ना 7:17

इलै कुई वेकी इच्छा पर चलण चांदो उ जांणि ल्यो की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी न, या मेरा अपड़ी तरपां बट्टी नि बुल्द।

दिब्य दरस 19:6

फिर मिल जु सूंणि व भौत बड़ी संख्या लुखुं का चिल्लांण का जन लगद छै। यु एक बड़ा झरना की आवाज का जन जोरदार छो अर बादल का गिगडांण का जन छो। ऊंल बोलि, “परमेश्वर की स्तुति हो! सर्वशक्तिमान पिता परमेश्वर हमारो राजा च।”

1 थिस्सलुनीकी 4:3

पिता परमेश्वर कि मनसा या च कि तुम पवित्र बणा, मतलब कि तुम व्यभिचार नि करयां,

खास चेलों 21:14

पर जब वेल हमारी बात नि मांणी त, हम इन बोलि के चुप हवे ग्यां कि, “प्रभु की मनसा पूरी हो।”

खास चेलों 13:22

फिर पिता परमेश्वर ल शाऊल तैं राजा की गद्दी बट्टी हटै के राजा दाऊद तैं ऊंको राजा बणै; जैका बारा मा वेल गव्है दींनि, मि तैं एक आदिम, यिशै को नौंनो राजा दाऊद, जु मेरा मन का अनुसार च मिली गै उ ही मेरी सैरी इच्छा तैं पूरी करलो।”

मत्ती 4:17

वे बगत बट्टी यीशु ल प्रचार कन अर यु बुल्ण शुरू कैरी “मन फिरावा किलैकि स्वर्ग कु राज्य नजदीक ऐ गै।”

दिब्य दरस 12:10

फिर मिल स्वर्ग मा बट्टी यु बड़ो शब्द आंद सूंणि, अब हमारो पिता परमेश्वर अपड़ा विश्वासी लुखुं तैं उद्धार दयालो! अब उ अपड़ी सामर्थ को इस्तेमाल करलो अर राजा का रूप मा काम करलो! अब वेको मसीह दुनिया पर अपड़ो अधिकार को दावा करलो! किलैकि अब शैतान हमारा पिता परमेश्वर की उपस्थिति मा खड़ो हवे के हमारा दगड़िया सेवकों पर दिन-रात भंगार नि लगालो। किलैकि वे तैं स्वर्ग का राज्य बट्टी भैर फेंके द्ये गै!

1 पतरस 4:2

यांका बदला, उ आदिम अपड़ो जीवन ईं धरती पर अपड़ो पूरो जीवन अपड़ी पापमय मानवीय इच्छाओं तैं पूरो करदी नि जियो, पर उ व ही करलो जु पिता परमेश्वर चांदो कि उ कैरो।

इब्रानी 10:7

तब मसीह ल पिता परमेश्वर बट्टी बोलि, “हे पिता परमेश्वर, मि इख छों, कि तेरी इच्छा तैं पूरी कैरो, जन कि मेरा बारा मा परमेश्वर का वचन (चाम्रपत्र) मा लिख्युं च।”

लूका 19:38

“धन्य च उ राजा जु परमेश्वर की सामर्थ से औंदु स्वर्ग मा शान्ति अर आकाश मा बढ़ै हो।”

मरकुस 3:35

जु कुई परमेश्वर की मनसा पर चलो जु परमेश्वर चौ त उ करदां, “उ ही मेरा भैय अर बैंण अर ब्वे छिन।”

मत्ती 16:28

मि तुम मा सच बुल्णु छौं कि, “जु इख म खड़ा छिन ऊंमा बट्टी कुई-कुई इन छिन कि जब तक मि मनिख कु नौंनो परमेश्वर का राज्य का सामर्थ का दगड़ा आंण नि दिखला तब तक ऊंल मुरण भि नि च।”

मरकुस 11:10

हमारा पुरणों मा राजा दाऊद कु राज्य जु परमेश्वर की सामर्थ मा आंणु च परमेश्वर जु स्वर्ग मा रांदो वेकी होशाना हो।

दिब्य दरस 11:15

जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”

दिब्य दरस 20:4

वेका बाद मिल कुछ सिंहासन दिखिनि अर जु लोग ऊं सिंहासनों पर बैठयां छा ऊं तैं राज्य कनु को अधिकार दिये गै छो। मिल ऊं लुखुं की आत्माओं तैं भि देखि, जूंका मुंड तैं काटेले छो किलैकि ऊंल यु अंगीकार कैरी छो कि यीशु ऊंको प्रभु छो, अर उ परमेश्वर का वचन पर विश्वास करदा छा। ऊं लुखुं ल जानवर या वेकी मूर्ति की आराधना नि कैरी छै, ऊंल अपड़ा माथा या हथों पर जानवर की छाप भि नि लगै छै। यु लोग दुबरा ज्यून्दा हवे गैनी अर एक हजार सालों तक मसीह का दगड़ी मिली के राज्य कैरी।

इब्रानी 1:14

तब, स्वर्गदूतों कु हूंणो को क्य फैदा? स्वर्गदूत उ छिनी जु पिता परमेश्वर की सेवा करदींनि; जु पिता परमेश्वर ऊं तैं ऊं लुखुं की देखभाल कनु कु भिजद जु उद्धार पांण वला छिनी।

कुलुसी 1:13

किलैकि वेल ही हम तैं शैतान का वश बट्टी छुड़ै के अपड़ा प्रिय नौंना यीशु मसीह का राज्य मा लेकर ऐ।

लूका 19:11

जब लोग यूं बातों तैं सुनणा छा त तब यीशु ल अपड़ी बात जारी रखि अर वेल एक मिसाल दींनि अब उ यरूशलेम शहर का नजीक छा अर लुखुं तैं लगि कि परमेश्वर कु राज्य भस आंण वलो च।

खास चेलों 22:14

“तब वेल बोलि, हमारा पूर्वजों का परमेश्वर ल त्वे तैं इलै ठैरयूं च की तु वेकी इच्छा तैं जांणि लये, अर तू वे धर्मी आदिम मसीह तैं देख अर वेकी आवाज तैं सूंण।