मत्ती 4:23 - गढवली नयो नियम

²³ अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

Garhwali

²³ अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मत्ती 4:23 Referans Kwoze

मत्ती 9:35

अर तब यीशु अर वेका चेला गलील जिला का भौत शहरों मा हवे के गैनी अर यहूदियों का मिलणा का भवन मा वचन की शिक्षा दींद अर परमेश्वर का राज्य को शुभ सन्देश प्रचार करदी अर लुखुं कि सभि बिमारी अर कमजोरि तैं दूर करदी।

मरकुस 1:39

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के प्रचार करदी अर दुष्टात्मा तैं निकलदी रैनी।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

लूका 7:22

अर यीशु ल ऊंमा बोलि जु कुछ तुम ल देखि अर सूंणि जै के यूहन्ना मा बोलि दियां कि अंधा दिखणा छिन अर लूला-लंगड़ा चलणां फिरणा छिन, कोढ़ी खूब करे जांणा छिन अर कंगालों तैं शुभ सन्देश प्रचार सुणै जांणु च।

मत्ती 11:5

कि अंधा दिखणा छिन अर लूला लंगड़ा हिटणा छिन कोढ़ी शुद्ध कि यु जांणा छिन अर बैहरा सुनणा छिन मुर्दा ज्यूंदा कि यु जांणा छिन अर गरीबों तैं शुभ सन्देश प्रचार सुंणये जांणु च।

मत्ती 13:54

अर अपड़ा घौर नासरत नगर मा ऐ के उख परमेश्वर बट्टी यहूदियों का मिलणा का भवन मा ऊं तैं परमेश्वर का वचन की शिक्षा दींण लगि गै कि उ भैंचक मा पड़ी के बुल्ण लगि गैनी “यु तैं यु ज्ञान अर चमत्कार का काम कैल दींनि?”

मरकुस 1:21

यीशु अर वेका शिष्य कफरनहूम शहर मा ऐनी, अर यीशु तुरंत यहूदियों का विश्राम का दिन जु परमेश्वर कु पवित्र दिन यहूदियों का मिलणा का भवन मा जै के उपदेश दींण लगि गै।

रोमियों 10:15

अर यां बट्टी पैली की कुई जै कै ऊं तैं बतै साको, वे मनिख तैं भिजै जांण चयणु च; जन परमेश्वर का वचन मा लिख्युं च, “यु इथग अद्भुत च कि शुभ सन्देश प्रचार कन वला लोग आंणा छिनी।”

लूका 8:1

यांका का बाद यीशु शहर-शहर अर गौं-गौं मा प्रचार करदी अर परमेश्वर का राज्य कु शुभ सन्देश प्रचार सुंणौदि फिरण लगि अर बारह चेला वेका दगड़ी छा।

मरकुस 6:2

यहूदियों का विश्राम का दिन जु परमेश्वर कु पवित्र दिन यीशु यहूदियों का मिलणा का भवन मा परमेश्वर का वचन की शिक्षा दींण लगि गै अर भौत लोग भैंचक मा पड़ी गैनी अर बुल्ण बैठी गैनी कि येल यु बात कख बट्टी सिखिनि? अर यु ज्ञान अर चमत्कार का काम कनै की सामर्थ यु तैं कैल दींनि?

मत्ती 24:14

अर पिता परमेश्वर का राज्य का बारा मा शुभ सन्देश सैरा दुनिया मा प्रचार किये जालो की सभि जातियों पर गव्है हो तब दुनिया कु अंत हवे जालो।

मत्ती 12:9

उख बट्टी चलि के यहूदियों का मिलणा का भवन मा ऐ।

यूहन्ना 18:20

यीशु ल वे तैं जवाब दे “मिल सभि तैं खुलि कै सभियूं का संमणी बात कैरी; मिल यहूदियों का मिलणा का भवन मा अर यरूशलेम शहर का मन्दिर मा जख सभि यहूदी कठ्ठा हूंदा छिनी हमेशा उपदेश कैरी अर उ गुप्त मा कुछ भि नि बोलि।

लूका 13:10

यहूदियों का विश्राम का दिन जु परमेश्वर कु पवित्र दिन च यीशु एक यहूदियों का मिलणा का भवन मा उपदेश दींणु छो।

लूका 9:11

यु जांणि के भीड़ वेका पिछनैं चलण लगि गै अर उ खुशी से वे बट्टी मिली अर ऊं बट्टी परमेश्वर का राज्य कि बात कन लगि गे: अर जु खूब हूंण चांणा छा ऊं तैं खूब कैरी।

लूका 5:17

अर एक दिन इन हवे कि उ उपदेश दींणु छो अर फरीसी अर मूसा की व्यवस्था तैं सिखांण वला उख बैठयां छा जु गलील जिला अर यहूदिया प्रान्त का हरेक गौं बट्टी अर यरूशलेम शहर बट्टी ऐ छा अर खूब कनु कु प्रभु कि सामर्थ यीशु का दगड़ी छै।

मरकुस 6:6

अर यीशु ऊंका अविश्वास तैं देखि के भैंचक हवे के चारों तरपां गौं बट्टी दुसरा गौं मा वचन की शिक्षा दींद फिरी।

मरकुस 3:10

किलैकि यीशु ल वे दिन भौतों तैं खूब कैरी इलै जथग लोग रोगों मा पुड़यां छा उ वे तैं छूणु कु वे पर गिरदा पड़दा छा।

मरकुस 1:14

यूहन्ना का पकड़े जांणा का बाद यीशु ल गलील मा ऐ अर लुखुं तैं परमेश्वर का राज्य को शुभ सन्देश कु प्रचार कैरी।

खास चेलों 20:25

अर अब मि जंणदु छों, कि तुम सभि जौं मा परमेश्वर का राज्य कु प्रचार करयूं च, तुम मि तैं दुबरा नि दिखल्या।

खास चेलों 18:4

अर पौलुस हरेक यहूदियों को विश्राम को दिन यहूदियों का मिलणा का भवन मा वाद-विवाद कैरी के यहूदियों अर अन्यजाति (यूनानियों) तैं भि यीशु मसीह पर विश्वास कनु कु समझांदु छो।

यूहन्ना 6:59

यूं बातों तैं यीशु ल कफरनहूम शहर का एक यहूदियों का मिलणा का भवन मा उपदेश दींणा का बगत मा बुलिनि।

लूका 10:9

उख बीमारों तैं खूब करयां अर ऊंमा बुल्यां कि परमेश्वर कु राज्य नजदीक ऐ गै।

लूका 6:17

तब उ वेका दगड़ी उतरी के सैंणि जगह मा खड़ो हवे अर वेका चेलों कि भौत बड़ी भीड़ अर सैरा यहूदिया प्रान्त अर यरूशलेम शहर अर सूर अर सीदोन शहर का समुद्र छाला भौत बड़ी भीड़,

मत्ती 14:14

वेल उख बट्टी निकली के एक बड़ी भीड़ देखि अर ऊं पर तरस खै अर ऊंका बिमारों तैं खूब कैरी।

मत्ती 13:19

जु कुई परमेश्वर को वचन सूंणि के नि संमझुदो वेका मन मा जु कुछ बुतै गै छो वे तैं उ दुष्ट शैतान ऐ के लूछि के लिजांदु यु उ ही च जु बट्टा किनारा बुतै गै छो।

मत्ती 3:2

कि, “पापों तैं मांणी कै मन फिरावा किलैकि स्वर्ग कु राज्य नजदीक ऐ गै।”

यूहन्ना 7:1

यूं बातों का बाद यीशु गलील जिला मा घुमणा रैनी किलैकि यहूदियों का अगुवों ल ऊं तैं मरणै की कोशिश कना छा इलै यीशु यहूदिया प्रान्त मा घुमण नि चांणा छा।

लूका 20:1

एक दिन इन हवे कि जब यीशु यरूशलेम शहर का मन्दिर मा लुखुं तैं उपदेश दींणु छो अर शुभ सन्देश प्रचार सुणौंणु छो त प्रधान याजक, दाना-सयाणों अर मूसा की व्यवस्था तैं सिखांण वला का दगड़ी ऐ के

लूका 4:14

फिर यीशु आत्मा कि सामर्थ मा हवे के गलील मा ऐ अर वेकी चर्चा अमणी-संमणी का सभि मुल्को मा फैली गै।

लूका 6:6

अर इन हवे कि कै और यहूदियों का विश्राम का दिन जु परमेश्वर कु पवित्र दिन उ यहूदियों का मिलणा का भवन मा जै के उपदेश दींण लगि गै अर जख एक आदिम छो जै को हथ सुखी गै छो।

लूका 7:21

वे ही बगत वेल भौतों तैं बिमारियों बट्टी अर पिड़ा अर दुष्टात्माओं बट्टी छुड़ै अर भौत अंधों का आंखा खुलींनि

लूका 9:60

यीशु ल वेमा बोलि, “जु लोग आत्मिक रीति बट्टी मुरयां छिन ऊं तैं अपड़ा मुर्दा खडयोण दे पर तु जै के परमेश्वर कि राज्य को शुभ संदेश कु प्रचार सुंणौ।”

लूका 16:16

जब तक यूहन्ना बप्तिस्मा दींणवलों ऐ, तब तक मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वला का तुम्हरो मार्गदर्शक च इलै अब स्वर्ग का राज्य कु शुभ सन्देश प्रचार किये जांद अर हर कुई भितर जांणु कु उत्सुक च।

खास चेलों 28:31

अर उ बगैर कैं रुकावट का निडर हवे के पिता परमेश्वर को राज्य को प्रचार करदो छो अर प्रभु यीशु मसीह का बारा मा शिक्षा दींदु छो।