मत्ती 4:11 - गढवली नयो नियम

¹¹ तब शैतान वेका संमणी बट्टी चलि गै अर स्वर्गदूत वेकी सेवा-टहल करदा छा।

Garhwali

¹¹ अर तब शैतान यीशु तैं छोड़ि के चलि गै, अर स्वर्गदूत ऐके यीशु की सेवा करण लगि गैनी।

मत्ती 4:11 Referans Kwoze

मत्ती 26:53

क्य तु नि जंणदी कि मि अपड़ा बुबा बट्टी कैरी सकदु छौं अर उ बारह सिपै का झुंडों बट्टी भि जादा स्वर्गदूतों की पलटन तैं मि मा अभि भेजि दयालो।

इब्रानी 1:14

तब, स्वर्गदूतों कु हूंणो को क्य फैदा? स्वर्गदूत उ छिनी जु पिता परमेश्वर की सेवा करदींनि; जु पिता परमेश्वर ऊं तैं ऊं लुखुं की देखभाल कनु कु भिजद जु उद्धार पांण वला छिनी।

लूका 22:43

तब स्वर्ग बट्टी एक स्वर्गदूत ऊं तैं दिखै जु ऊं तैं सामर्थ दींणु छो।

लूका 4:13

जब शैतान ल यीशु कि अजमैश कैरेली छै त तब कुछ बगत कु वेका संमणी बट्टी चलि गै।

इब्रानी 1:6

अर यां से पैली कि, पिता परमेश्वर ल अपड़ा बड़ा महान अर पैला नौंना तैं दुनिया मा भेजि, त बुल्द, “पिता परमेश्वर का सभि स्वर्गदूत वे तैं दण्डवत् कैरी के वेकी आराधना कैरा।”

यूहन्ना 14:30

मि मा तुम दगड़ी बात कनु कु जादा बगत नि बच्युं च किलैकि ये दुनिया कु सरदार शैतान आंणु च अर मि पर वेको कुई अधिकार नि च अर मि पर वेकु कुई वश नि च।

लूका 22:53

जब मि यरूशलेम शहर का मन्दिर मा हरेक दिन तुमारा दगड़ा छो तब तुम ल मि पर हथ नि डाली पर यु तुमारो बगत च अर अंधेरा कु अधिकार च।

मरकुस 1:13

अर एकांत जंगल मा चालिस दिन अर रात तक शैतान (गुरो) ल वेकी अजमैश कैरी अर उ जंगली जानवरों का दगड़ी रै अर स्वर्गदूत वेकी सेवा-टहल करदां छा।

मत्ती 4:6

अर शैतान ल यीशु कु बोलि, “जु तु परमेश्वर कु नौंनो छै त इख बट्टी मूड़ी कूदी के साबित कैर त्वे तैं चोट नि लगली किलैकि परमेश्वर का वचन मा लिख्युं च उ अपड़ा स्वर्गदूतों तैं आज्ञा दयाला अर उ त्वे तैं हथौं-हथ संभाली दयाला कखि इन नि हो कि तेरा खुट्टों मा ढुंगो से चोट नि लगालो।”

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।