मत्ती 3:6 - गढवली नयो नियम

⁶ अर अपड़ा पापों तैं मांणी के यरदन गाड मा वे बट्टी बपतिस्मा लींनि।

Garhwali

⁶ अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।

मत्ती 3:6 Referans Kwoze

खास चेलों 19:18

जौं ल विश्वास कैरी छो ऊंल ऊंमा बट्टी भौत लुखुं ल ऐ के खुलाआम अपड़ा बुरा कामों तैं मांणी लींनि।

1 यूहन्ना 1:9

जु हम अपड़ा पापों तैं पिता परमेश्वर का संमणी मणिल्या, त पिता परमेश्वर हमारा पापों तैं माफ कन, अर हम तैं सभि अधर्म बट्टी शुद्ध कन मा विश्वासयोग्य अर धर्मी च।

इब्रानी 9:10

किलैकि व पुरणी व्यवस्था भस यूं बातों पर जुड़ीं छै मतलब य कि एक आदिम तैं क्य खांण-पीण चयणु च अर दुसरा शुद्धिकरण का बारा मा; या विधि जैको कै भि आदिम बट्टी कुछ भि लींण-दींण नि च; यु तैं तब तक अभ्यास मा रखै गयै जब तक कि एक बढ़िया व्यवस्था नि बंणि जौं।

मत्ती 3:11

मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

इब्रानी 6:2

अर बपतिस्मा अर विश्वासियों पर हथ रखि के आशीष दींण की विधि, अर मुरयां लुखुं का ज्यून्दो हूंण, अर अनन्त विनाश की शिक्षारूपी बुनियाद, दुबरा नि डाला।

कुलुसी 2:12

अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।

1 कुरिन्थि 10:2

जन के प्रभु यीशु का चेला बनण कु बपतिस्मा लींणे की व्यवस्था च, उन ही के उ सभि भि बादल का छाया मा छा अर मूसा का चेला बनण कु लाल समुद्र बट्टी हवे के ग्यां।

खास चेलों 22:16

अब तु देर किलै कनी छै? उठ, बपतिस्मा ले, अर वे बट्टी प्रार्थना का द्वारा अपड़ा पापों बट्टी शुद्ध हूंणु कु माफी मांग”

खास चेलों 11:16

तब मि तैं उ वचन याद ऐ जु यीशु ल हम बट्टी बोलि छो, कि यूहन्ना ल त पांणी ल बपतिस्मा दींनि, पर कुछ दिनों का बाद पिता परमेश्वर तुम दगड़ी रौंण कु पवित्र आत्मा तैं भिजलो।

खास चेलों 1:5

यूहन्ना बपतिस्मा दींणवला ल त तुम तैं पांणी ल बपतिस्मा दींनि पर कुछ दिनों का बाद तुम तैं पवित्र आत्मा का द्वारा बपतिस्मा दिये जालो।”

लूका 3:16

तब यूहन्ना ल ऊं सभियूं मा बोलि, “कि मेरा बाद उ औंण वलो च जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग से बपतिस्मा दयालो।”

मरकुस 1:5

अर भौत स लोग यहूदिया प्रान्त का अर यरूशलेम शहर का रौंण वला वेमा गैनी अर अपड़ा पाप तैं मांणी के यरदन गाड मा वे बट्टी बपतिस्मा लींनि।

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।

याकूब 5:16

इलै एक हैंका का संमणी अपड़ा-अपड़ा पापों तैं मंणिल्या; अर एक दुसरा कु प्रार्थना कैरा, ज्यां बट्टी बिमार ठिक हवे जौं; धर्मी जन की प्रार्थना मा भौत सामर्थी च अर वे बट्टी अद्भुत प्रणाम मिल्दा।

लूका 1:16

अर इस्राएल का लुखुं का घराना तैं ऊंका प्रभु परमेश्वर मा वापिस आलो।