मत्ती 21:16 - गढवली नयो नियम

¹⁶ अर उ यीशु मा बुल्ण लगि गैनी, “तु सुणनी छै कि यु क्य बुल्णा छिन” यीशु ल ऊंमा बोलि, “हां क्य तुम ल परमेश्वर का वचन मा यु कभि नि पढ़ी कि नौंनो बट्टी अर दूध पीण वला बच्चों का मुक बट्टी तिल अपार स्तुति करे”

Garhwali

¹⁶ तब ऊंन यीशु कू बोलि, “क्या तू सुनणी नि छैई कि यू क्या बोन्‍ना छिन?” अर वेन ऊंकू बोलि, “हाँ सुनणु छौं। क्या तुमुन पवित्रशास्‍त्र मा यू कभि नि पैढी कि, ‘तिन बच्‍चों अर दूद पीण वळा छुटा बच्‍चों से अपणी तारीफ करवै?’”

मत्ती 21:16 Referans Kwoze

मत्ती 11:25

वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।

मत्ती 19:4

यीशु ल जवाब दींनि “क्य परमेश्वर का वचन मा नि पैढ़ी कि जैल ऊं तैं बंणै वेल शुरू बट्टी नर अर नारी कैरी के बणै।”

मत्ती 12:3

यीशु ल ऊंमा बोलि, “क्य तुम ल परमेश्वर का वचन मा कभि नि पढ़ी कि जब राजा दाऊद तैं जरूरत छै त वेल क्य कैरी? जब उ अर वेका दगड़िया भूखा छा।”

मरकुस 2:25

यीशु ल ऊंमा बोलि, क्य तुम ल परमेश्वर का वचन मा कभि नि पढ़ी कि जब राजा दाऊद तैं जरूरत छै अर जब उ अर वेका दगड़िया भूखा छा तब वेल क्य कैरी छो?

मत्ती 22:31

मुरयां कु ज्यून्दो हूंण का बारा मा क्य तुम ल यु परमेश्वर का वचन मा नि पैढ़ी जु परमेश्वर ल तुम मा बोलि छो

मरकुस 13:17

यु ऊं महिलाओं कु भौत भयानक बगत होलो जु दुबस्ता हवेलि अर जु दूध पिलांदि हवेलि ऊंकु भगण भौत मुश्किल होलो।

लूका 21:23

ऊं दिनों मा जननों कु भौत भयानक बगत होलि, जु दुबस्ता अर जु बच्चों तैं दूध पिलांदि होलि, ऊंकु दुखों कु बगत होलि, किलैकि वे बगत देश मा भयानक संकट होलि, अर यूं लुखुं मा भौत मुसिबत ऐ जाली।