मत्ती 2:12 - गढवली नयो नियम

¹² तब ऊंल सुपन्या मा या चेतावनी पै कि राजा हेरोदेस का संमणी फिर नि जयां अर उ बगैर बतयां दुसरा बट्टा बट्टी अपड़ा देशों कु चलि गैनी।

Garhwali

¹² तब परमेस्वर न जोतिसों तैं सुपन्या मा चितै के बोलि कि, “सुणा, हेरोदेस का पास फिर नि जयां।” इलै ऊ दुसरा ही बाटा बटि अपणा देस कू चलि गैनी।

मत्ती 2:12 Referans Kwoze

मत्ती 2:22

इलै जब युसूफ ल यु सूंणि के कि अरखिलाउस अपड़ा बुबा राजा हेरोदेस जगह मा यहूदिया प्रान्त पर राज्य कनु च उख जांण से डौर गै अर सुपन्या मा परमेश्वर बट्टी चेतावनी पै के गलील जिला मा चलि गै

मत्ती 2:19

जब युसूफ, मरियम अर बालक यीशु मिस्र मा ही छा तब राजा हेरोदेस का मुरणा का बाद प्रभु का स्वर्गदूतों ल मिस्र देश मा यूसुफ का सुपन्या मा ऐ के बोलि,

मत्ती 2:13

ऊंका जांणा का बाद प्रभु का एक स्वर्गदूत ल यूसुफ का सुपन्या मा ऐ के बोलि, “उठ वे बच्चा तैं अर वेकी ब्वे तैं ले के मिस्र देश कु भागि जा, अर जब तक मि त्वे मा नि बोलु तब तक उखि रै किलैकि राजा हेरोदेस यु बच्चा तैं ढुंडणु च कि वे तैं मरवै द्यो।”

मत्ती 27:19

जब उ न्याय आसण पर बैठयूं छो त वेकी घरवलि ल वेकु सवाल भेजि कि “तु वे धर्मी का मामला मा हथ नि डाली किलैकि मिल आज सुपन्या मा वेका कारण भौत दुःख उठै।”

मत्ती 1:20

जब यूसुफ यूं बातों तैं सुचणु ही छो त प्रभु को स्वर्गदूत वेका सुपन्या मा ऐ के बुल्ण लगि गै यूसुफ, राजा दाऊद का वंशज, तू अपड़ी मंगेतर मरियम तैं अपड़ी जनन बनांण से नि डैर किलैकि जु वीं का गर्भ मा बच्चा च उ पवित्र आत्मा कि सामर्थ बट्टी च।

इब्रानी 11:7

विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।

खास चेलों 5:29

तब पतरस अर बकि प्रेरितों ल जवाब दींनि “मनिख्युं कि आज्ञा से बढ़ि के परमेश्वर कि आज्ञा को पालन कन हमारो फर्ज च।

खास चेलों 4:19

पर पतरस अर यूहन्ना ल ऊं तैं जवाब दींनि “तुम ही न्याय कैरा क्य यु परमेश्वर का नजर मा भलो च कि हम परमेश्वर कि आज्ञा से बढ़ि के तुमारी आज्ञा तैं मांणा।

1 कुरिन्थि 3:19

किलैकि सच यु च, कि सांसारिक ज्ञान पिता परमेश्वर की नजर मा मूर्खता च, जन परमेश्वर का वचन मा लिख्युं च, “पिता परमेश्वर ही च, जु बुद्धिमानों तैं ऊं की चालाकी मा फंसै दींद।”

लूका 2:26

पवित्र आत्मा ल वे तैं बतै कि जब तक तु प्रभु का मसीह तैं दिखण से पैली नि मुरलि।

खास चेलों 10:22

तब ऊंल बोलि, “कुरनेलियुस सुबदार, जु धर्मी च अर पिता परमेश्वर बट्टी डरदु च, अर जै की पूरा यहूदी जाति का लोग इज्जत करदींनि, वे तैं एक पवित्र स्वर्गदूत ल यु हुकुम दींनि कि उ तुम तैं अपड़ा घौर बुलै के वचन सुंणौ।”

इब्रानी 8:5

जु याजक का रूप मा उ काम करदींनि, उ भस वेकी एक नकल च जु स्वर्ग म च, पर यु उन नि च जन स्वर्ग म च, किलैकि जब मूसा मिलाप वला तम्बू तैं बनांणु कु तैयार हूंणु छो, तब पिता परमेश्वर ल वे तैं या चेतावनी द्ये, “देख स्वर्गीय मन्दिर कु जु नमूना त्वे तैं पोड पर दिखै गै छो, वेका हिसाब से सभि कुछ बणौ।”