मत्ती 16:16 - गढवली नयो नियम

¹⁶ शमौन पतरस ल जवाब दींनि “तु ज्यूँदो परमेश्वर कु नौंनो मसीह छै।”

Garhwali

¹⁶ तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

मत्ती 16:16 Referans Kwoze

मत्ती 14:33

ईं बात पर ऊंल जु नाव मा बैठयां छा यीशु तैं आराधना अर प्रणाम कैरी कै बोलि, “तु सच्ची मा परमेश्वर कु नौंनो छै।”

यूहन्ना 11:27

वीं ल यीशु मा बोलि, “हे प्रभु हां मि विश्वास करदु छौं कि परमेश्वर कु नौंनो मसीह जु जगत मा आंण वला छो उ तु ही छै।”

1 यूहन्ना 4:15

जु कुई यु मणी लींद, कि यीशु पिता परमेश्वर को नौंनो च त पिता परमेश्वर वेमा रौंदो, अर उ पिता परमेश्वर मा रौंदो।

मत्ती 27:54

तब सुबदार अर जु वे दगड़ी यीशु को पहरा दींणा छा भ्युंडोल अर जु कुछ हवे छो वे देखि के भौत डैरी गैनी त बोलि, “सचमुच यु मनिख परमेश्वर कु नौंनो छो”

1 तीमुथियुस 4:10

किलैकि यु जीवन तैं पांणु कु हम मेहनत अर हरेक किस्मै कि कोशिश इलै ही करदां, कि हमारी आस वे ज्यूंदा पिता परमेश्वर पर च जु सभि मनिख्युं को अर खास कैरी कै विश्वासियों कु उद्धारकर्ता च।

खास चेलों 9:20

अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।

1 थिस्सलुनीकी 1:9

किलैकि उ लोग दूसरों तैं बतौंदींनि कि जब तक तुम दगड़ा मा छा त तुम ल कन कै हमारो स्वागत कैरी छो अर तुम कनके मूर्तियों बट्टी हटि कै पिता परमेश्वर कि तरपां फिरयां कि ज्यून्दा अर सच्चा पिता परमेश्वर की सेवा कैरा।

मत्ती 26:63

पर यीशु चुप रै तब महायाजक ल वेमा बोलि, “मि त्वे तैं ज्यून्दा परमेश्वर की सौं दींणु कि तु जु परमेश्वर कु नौंनो मसीह छै त हम तैं बतै दे।”

1 यूहन्ना 5:5

दुनिया पर जीत हासिल कन वलो को च? उ ही जु विश्वास करद, कि यीशु ही पिता परमेश्वर को नौंनो च।

इब्रानी 10:31

जीवित पिता परमेश्वर का हथों बट्टी दण्ड पांण एक भौत ही भयानक बात च।

रोमियों 1:4

अर पवित्र आत्मा का भाव बट्टी मुरयां मा बट्टी ज्यून्दा हूंण का कारण सामर्थ का दगड़ी पिता परमेश्वर कु नौंनो ठैरी, उ यीशु मसीह हमारो प्रभु च।

मरकुस 14:61

पर यीशु चुप रै अर कुई जवाब नि दींनि महायाजक ल वेमा फिर पूछि, “क्य तु वे परमधन्य परमेश्वर कु नौंनो मसीह छै?”

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

यूहन्ना 1:49

नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।

इब्रानी 12:22

तुम सिय्योन डांडा पर अयां छा, जख स्वर्गीय यरूशलेम शहर च, जु ज्यून्दा परमेश्वर कु शहर च; अर जख लाखों स्वर्गदूत आनन्द-उत्सव मणौंदींनि,

1 तीमुथियुस 3:15

कि जु मेरा औंण मा देर हवे जौं त तु इन जांणि जै कि परमेश्वर का कुटुंब जु कि ज्यूंदा परमेश्वर कि मण्डलि च, अर यु विश्वासी उन ही सच्ची शिक्षाओं का समर्थन करदींनि अर ऊं तैं बणै रखदींनि जन नींव अर खम्बा कै घौर तैं सहारा दींद अर वे तैं मजबूत करदींनि।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

2 कुरिन्थि 6:16

अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”

2 कुरिन्थि 3:3

यु प्रगट च, कि तुम मसीह की तरपां बट्टी एक चिठ्ठी का जन छा अर य चिठ्ठी हमारी सेवकाई कु सबूत च; जु स्याही ल न, या ढुंगा की पटियों पर न, पर ज्यून्दा पिता परमेश्वर का आत्मा का द्वारा मनिख्युं का दिल की पटियों पर लिखै गै।

खास चेलों 14:15

“हे लुखुं, तुम क्य कना छा? हम भि त तुम जन दुख-सुख भुगण वला आदिम छा, अर तुम तैं शुभ सन्देश प्रचार सुनांणा छा, कि तुम यूं बेकार की चीजों बट्टी दूर हवे के ज्यून्दा पिता परमेश्वर की तरपां आ। वेल ही आसमान अर धरती अर जु कुछ वां मा च सभि कुछ बणये।

मत्ती 4:3

तब शैतान ल वेका संमणी ऐ के बोलि, “जु तु परमेश्वर कु नौंनो छै त यूं ढुंगो कु बोल कि यु रुट्टि बंणि जौ अर साबित कैर कि तू ऊं तैं खै साको।”

खास चेलों 8:36

उ रस्ता मा जांदी बगत, उ एक तालाब का संमणी पौछिनी, तब खजांची ल बोलि, “इख एक तालाब च, क्य अब मि तैं बपतिस्मा लींण मा कुई रोक च?”

यूहन्ना 6:69

अर हम ल विश्वास कैरी अर जांणि भि ग्यां कि तु एक पवित्र जन छै जै तैं पिता परमेश्वर ल भेजि।

मत्ती 1:16

अर याकूब बट्टी यूसुफ पैदा हवे जु मरियम को आदिम छो अर मरियम ल परमेश्वर की आत्मा बट्टी गर्भवती हवे के यीशु तैं जन्म दींनि, जैकु मसीह बुल्दींनि।

मत्ती 16:15

यीशु ल ऊंमा बोलि पर तुम मेरा बारा मा कि सुचदियां की मि कु छो?

लूका 2:11

कि आज बैतलहम शहर मा जु राजा दाऊद कु शहर च तुम कु एक उद्धारकर्ता जन्मीयूं च अर उ ही मसीह प्रभु च।

यूहन्ना 6:57

मेरा पिता परमेश्वर जैल मि तैं भेजि उ जीवन दींद जन वेल मि तैं जीवन दये वे जन मि भि वे आदिम तैं जीवन दयुलु जु मेरी देह तैं खांदु।

यूहन्ना 6:68

शमौन पतरस ल यीशु तैं जवाब दे कि हे प्रभु हम कै मा जां? अनन्त जीवन त त्वे मा ही च

2 कुरिन्थि 1:19

किलैकि पिता परमेश्वर कु नौंनो यीशु मसीह जैको हमारा द्वारा मतलब कि मेरा अर सिलवानुस अर तीमुथियुस का द्वारा तुम्हरा बीच मा प्रचार हवे; जु एक बगत मा हाँ अर बाद मा न नि छै।

इब्रानी 3:12

हे विश्वासी भयों, चौकस रावा, कि तुम मा इन बुरो अर अविश्वासी मन नि हो, अर पिता परमेश्वर जु ज्यूँदो च वेका अनुसरण कन से मना नि कैरा।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

खास चेलों 8:37

(फिलिप्पुस ल बोलि, “जु तू अपड़ा पूरा मन से विश्वास करदी छै, तब त ले सकदी छै” यु सूंणि के वेल जवाब दींनि, “मि पूरो विश्वास करदु छो की यीशु मसीह ही पिता परमेश्वर को नौंनो च”)