मत्ती 13:57 - गढवली नयो नियम

⁵⁷ इलै ऊंल वे तैं स्वीकार नि कैरी पर यीशु ल ऊंमा बोलि, कि परमेश्वर का तरपां बट्टी बुल्ण वलो कु अपड़ा देश अर अपड़ा कुटुम्ब अर अपड़ा घौर तैं छोड़ी के ऊं तैं सब जगह आदर हूंद।

Garhwali

⁵⁷ इलै ऊंन यीशु की बातों तैं स्वीकार नि कैरी। अर यीशु न ऊंकू बोलि, “एक रैबर्या तैं अपणा घौर अर मुलक का अलावा हरेक जगा आदर-सम्मान मिलदु।”

मत्ती 13:57 Referans Kwoze

यूहन्ना 4:44

किलैकि यीशु ल अफी गव्है दींनि कि परमेश्वर का तरपां बट्टी बुल्ण वलो कु अपड़ा देश तैं छोड़ी के उंको सब जगह आदर हूंद।

मत्ती 11:6

अर धन्य च उ जु मि पर शक नि करदींनि।”

लूका 4:24

पर यीशु ल ऊंमा बोलि, “मि तुम मा सच बुल्णु छौं कुई भि परमेश्वर का तरपां बट्टी बुल्ण वलो को अपड़ा देश तैं छोड़ी के उंको सब जगह आदर हूंद।”

यूहन्ना 6:61

यीशु ल अपड़ा मन मा यु जांणि के कि मेरा चेला आपस मा ईं बात पर कुड़कुड़ाणा छिन ऊं बट्टी पूछि क्य यु तुम तैं मि पर विश्वास कन से रुकदो च?

यूहन्ना 6:42

अर ऊंल बोलि क्य यु यूसुफ कु नौंनो यीशु नि च जैका ब्वे-बुबा तैं हम जंणदा छा? त उ कनके बुल्णु च कि मि स्वर्ग बट्टी उतरयूँ छौं?

लूका 7:23

अर धन्य छिन उ जु मि पर विश्वास करदीं”

मरकुस 6:14

तब राजा हेरोदेस ल भि ऊंकी कामों की चर्चा सूंणि जु यीशु कनु छो किलैकि भौत लोग यीशु का बारा मा जंणदा छा अर वेका कामों की चर्चा कना छा, ऊंकु नौं फैली गै छो अर वेल बोलि, कि “यूहन्ना बपतिस्मा दींण वलो मुरयां लुखुं मा बट्टी ज्यूँदो हवे गै किलैकि वेमा चमत्कार कनै की सामर्थ च।”

मरकुस 6:3

यीशु कु अपमान कैरी के ऊंल यु बोलि, क्य यु उ ही बड़ैइ नि च जु मरियम कु नौंनो अर याकूब अर योसेस अर यहूदा अर शमौन को बड़ो भैय नि च? अर क्य वेकी बैंण इख हमारा बीच मा नि रौदींनि? इलै ऊंल वे तैं अस्वीकार कैरी।

मत्ती 13:58

अर ऊंका अविश्वास का कारण यीशु ल और कुछ चमत्कार का काम कैर साकी।

मरकुस 6:1

तब यीशु कफरनहूम गौं बट्टी निकली के अपड़ा घौर नासरत नगर मा ऐ अर वेका चेला भि वेका पिछनै औंणा छा।

मरकुस 6:4

यीशु ल ऊंमा बोलि, कि परमेश्वर का तरपां बट्टी बुल्ण वलो कु अपड़ा देश अर अपड़ा कुटुम्ब अर अपड़ा घौर तैं छोड़ी के ऊंको सब जगह आदर हूंद।