मत्ती 13:12 - गढवली नयो नियम

¹² किलैकि जै मा थोड़ी भि मेरी बातों तैं समझणै की इच्छा छैं च वे तैं और दिये जालि अर वेमा भौत हवे जलो पर जै मा थोड़ा भि नि च वेमा बट्टी उ भि लिये जालि जु वेमा छैं च।

Garhwali

¹² किलैकि जु कुई भि परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च, त वे बटि वु ज्ञान भि छिनै जालु।

मत्ती 13:12 Referans Kwoze

मत्ती 25:29

किलैकि जै मा थोड़ी भि मेरी बातों तैं समझणु की समझ छैं च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च।

लूका 8:18

इलै चौकस रावा कि तुम कनके सुंणदा? किलैकि जै मा थोड़ी भि मेरी बातों तैं समझणु की समझ च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च जै तैं उ अपड़ो समझुदु।

दिब्य दरस 2:5

इलै अब तू उन के नि जींदी जन तू शुरुआत मा जींदी छै। वेका बारा मा सोच। अब, त्वे तैं अपड़ा पापों बट्टी मुड़ी जांण चयणु च अर ऊं कामों तैं कन शुरू कन चयणु च जु तू शुरुआत का बगत मा करदी छै। अर मन फिरौ अर पैला का जन काम कैर; अर जु तू अपड़ो पापों बट्टी मन नि फिरौ अर अफ तैं नि बदलो त मि त्वे मा औलु अर जख मा तेरु दिवडो रख्युं च वे तैं उख बट्टी हटै के त्वे तैं दण्ड दयुलु।

लूका 16:25

पर अब्राहम ल बोलि “हे बेटा याद कैर तिल अपड़ा जीवन मा भलि चीज लींनि अर लाजर तैं सभि बुरी चीज मिली पर उ अब इख शान्ति पांणु च अर तु पिड़ा मा छै।”

मत्ती 21:43

इलै मि तुम मा बुल्णु छौं कि परमेश्वर कु राज्य तुम मा बट्टी लिये जालो अर अन्य-जाति तैं दिये जालो ऊं मांग करला।

लूका 16:2

त धनवान ल भण्डारी तैं बुलै कै बोलि, यु क्य च जु मि तेरा बारा मा सुनणु छौं? तिल मेरा धन कु क्य कैरी अपड़ो हिसाब बतौ किलैकि अगनैं अब तिल भंडारी नि रांण।

लूका 10:42

पर एक ही बात की चिंता कन जरूरी च मार्था की बैंण मरियम ल ईं बात तैं खोज्याली अर उ वे बट्टी दूर नि किये जालो।

लूका 9:26

जु कुई मि अर मेरी बातों सै शर्मालो, मि मनिख कु नौंनो भि जब अपड़ी अर पिता कि अर पवित्र स्वर्गदूतों कि महिमा सहित आलो त तब मि भि ऊंको इन्कार कैरी दयुलु।

मरकुस 12:9

इलै अब अंगूर का बगिचा कु स्वामि क्य करुलु? उ ऐ के ऊं किसानों तैं जान से मारि दयालो अर अंगूरों का बगिचा तैं दुसरा किरायादारों तैं दे दयालो।

लूका 12:48

पर जु बेसुद मा मार खांण लैख काम करलो उ जरा सी मार खालो इलै जै तैं भौत दिये गै वे बट्टी भौत मंगे जालो अर जै मा भौत सौंप्युं च वे बट्टी भौत मंगे जालो।

याकूब 4:6

पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”