मत्ती 10:4 - गढवली नयो नियम

⁴ शमौन कनानी अर यहूदा इस्करियोती जैल यीशु तैं वेका दुश्मनों का हथों मा पकड़वै दींनि।

Garhwali

⁴ शमौन कनानी अर यहूदा इस्करियोती जैन बाद मा यीशु तैं धोखा देके पकड़वै दिनी।

मत्ती 10:4 Referans Kwoze

मत्ती 26:14

तब यहूदा इस्करियोती ल जु बारह चेलों मा बट्टी एक छो प्रधान याजक मा जै के बोलि,

यूहन्ना 13:2

यीशु अर वेका चेला राती कु खांणु खांणा छा। शैतान ल पैली बट्टी ही यीशु तैं धोखा दींणु कु शमौन इस्करियोती का नौंना यहूदा इस्करियोती का मन मा डाली छो।

यूहन्ना 6:71

यु वेल शमौन इस्करियोती का नौंना यहूदा इस्करियोती का बारा मा बोलि, जबकि उ बारहों शिष्यों मा बट्टी एक छो उ यीशु का दगड़ी विश्वासघात कन वलो छो।

मरकुस 14:43

जब यीशु इन बुल्णु ही छो कि यहूदा जु बारहों चेलों मा बट्टी एक छो अफ दगड़ी प्रधान याजक, मूसा की व्यवस्था तैं सिखांण वला अर दाना-सयाणों कि तरपां बट्टी सिपैयूं की एक बड़ी भीड़ ले कै तुरंत तलवार अर लाठों ली कै उख वे तैं पकड़णु कु पौंछि गै।

मत्ती 26:47

उ इन बुल्णु ही छो कि यहूदा जु बारहों चेलों मा बट्टी एक छो ऐ अर वे दगड़ी प्रधान याजक, मूसा की व्यवस्था तैं सिखांण वला अर दाना-सयाणों कि तरपां बट्टी भि जै गैनी अर उ भौत बड़ी भीड़ अर तलवार अर लाठा लै के ऐनी।

लूका 22:47

जब यीशु बुल्णु ही छो, कि यहूदा जु बारहों चेलों मा बट्टी एक छो अर यहूदा एक बड़ी भीड़ के अगनैं-अगनैं ऊंका दगड़ी आंणु छो, उ यीशु का संमणी ऐ कि उ यीशु की भुकि पै।

लूका 22:3

तब शैतान यहूदा मा समै जै कु इस्करियोती बुल्दा छा अर बुरा चेलों मा गणेंदु छो।

मरकुस 14:10

यहूदा इस्करियोती जैल वे तैं पकड़वै भि दींनि जु बारहों चेलों मा बट्टी एक छो, उ प्रधान याजक मा गै कि यीशु तैं वेमा सौंपी द्यो।

मत्ती 27:3

जब वेका पकड़ौण वला यहूदा तैं उ पता चलि की उ मरवांणु कु भंगारी ठैरे गै त तब उ भौत पछतै अर ऊं तीस चाँदी का सिक्कों तैं प्रधान याजक मा अर दाना-सयाणों मा वापिस दींणु कु गै।

खास चेलों 1:25

इलै की उ ई सेवा कु अर मसीह का प्रेरिताई हूंणु कु जै तैं यहूदा छोड़ी के व मोरि गै अर वीं जगह चलि गै जख वे तैं हूंण चयणु छो।

खास चेलों 1:13

जब उ शहर मा पौंछिनी त वीं मथि का कोठरी मा गैनी। यूं प्रेरित पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई को नौंनो याकूब, शमौन जु रोमी कानून को विरोधी छो अर याकूब को नौंनो यहूदा जु उख उपस्थित छा।

मत्ती 26:2

“तुम जंणदा छा कि द्वी दिन का बाद फसह कु त्यौहार च अर मि मनिख कु नौंनो सूली पर चड़ौंणु कु पकड़वाये जौलु।”

मत्ती 26:15

“जु मि वे तैं तुमारा हथ मा पकड़वै द्यो त मि तैं क्य दीला” ऊंल वे तैं तीस चाँदि का सिक्का तोली के दे दींनि।

यूहन्ना 6:64

अर तुम मा कुछ इन छिन जु मि पर विश्वास नि करदींनि किलैकि यीशु पैली बट्टी जंणदु छो कि जु विश्वास नि करदींनि ऊं कु छिनी अर कु मि तैं पकड़वालो।