मत्ती 10:1 - गढवली नयो नियम

¹ फिर यीशु ल बारह चेलों तैं अफ मा बुलै के अर ऊं तैं दुष्टात्मा तैं निकलण को अधिकार दींनि की उ सब प्रकार की बिमारियों अर सब प्रकार की कमजोरियों तैं दूर कैरो।

Garhwali

¹ अर यीशु न अपणा बारह चेलों तैं अपणा पास बुलै अर ऊंतैं मनखियों मा बटि खबेसों तैं निकळण को, अर सब किसमे बिमारियों तैं अर हरेक कमजोरियों तैं दूर करण को अधिकार दिनी।

मत्ती 10:1 Referans Kwoze

लूका 10:19

मिल तुम तैं गुरो अर बिच्छुओं तैं रौंदुणो को, अर शैतान की सैरी सामर्थ पर अधिकार दियूं च अर कै भि चीज बट्टी तुम तैं कुई नुकसान नि होलो।

लूका 24:49

अर मि स्वयं तुमारा मथि पवित्र आत्मा तैं भेजलो ज्यांको सौं मेरा पिता परमेश्वर लै छै, इलै तुम तब तक शहर मा जग्वाल कन रयां, जब तक तुम तैं स्वर्ग बट्टी सामर्थ नि दिये जालो।

खास चेलों 1:8

पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

यूहन्ना 3:27

यूहन्ना ल जवाब दे जब तक मनिख तैं स्वर्ग बट्टी न दिये जौं तब तक उ कुछ नि पै सकद।

लूका 6:13

जब दिन हवे त वेल अपड़ा बारह प्रेरित तैं बुलै के ऊंमा बट्टी बारह चेला चुणिनि अर ऊं तैं प्रेरित बोलि।

लूका 21:15

किलैकि मि तुम तैं इना बोल, अर बुद्धि दयुलु, कि तुमारा विरोधी सामना खंडन नि कैरी सकला।

खास चेलों 19:15

पर दुष्टात्मा ल ऊं तैं जवाब दे, “यीशु तैं मि जंणदी छौं, अर पौलुस तैं भि मि जंणदी छौं पर तुम कु छा ?”

यूहन्ना 17:2

किलैकि तिल मि तैं सब लुखुं पर अधिकार दियूं च कि जै तैं तिल मि दियुं च ऊं सभियूं तैं मि अनन्त जीवन द्यों।

यूहन्ना 6:70

यीशु ल ऊं तैं जवाब दींनि क्य मिल तुम बारहों तैं नि चुणि? तब भि तुम मा बट्टी एक आदिम शैतान का वश मा च।

यूहन्ना 3:35

पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।

दिब्य दरस 12:1

जब उ खत्म हवे गै, त उख एक अद्भुत चिन्ह छो जु आसमान मा देखि सकदु छो। किलैकि जून पर एक जनन खड़ी छै जीं का इन कपड़ा पैरयां छा जु सूरज का जन चमकणा छा। वेको अपड़ा मुक पर एक मुकुट पैरयूं छो जै मा बारह गैणा छा;

मत्ती 26:47

उ इन बुल्णु ही छो कि यहूदा जु बारहों चेलों मा बट्टी एक छो ऐ अर वे दगड़ी प्रधान याजक, मूसा की व्यवस्था तैं सिखांण वला अर दाना-सयाणों कि तरपां बट्टी भि जै गैनी अर उ भौत बड़ी भीड़ अर तलवार अर लाठा लै के ऐनी।

मत्ती 26:20

जब रुमुक हवे त तब उ बारह चेलों का दगड़ा मा खांणु कु बैठी।

मत्ती 19:28

यीशु ल ऊंमा बोलि मि तुम मा सच बुल्णु छौं कि नई सृष्टि मा जब मि मनिख कु नौंनो अपड़ी महिमा का सिहासन पर बैठुलो त तुम भि जु मेरा पिछनैं हवे ग्यां बारह सिंहासन मा बैठी के इस्राएल का लुखुं का बारह गोत्र कु न्याय करिल्या।

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

मत्ती 4:23

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

मत्ती 9:35

अर तब यीशु अर वेका चेला गलील जिला का भौत शहरों मा हवे के गैनी अर यहूदियों का मिलणा का भवन मा वचन की शिक्षा दींद अर परमेश्वर का राज्य को शुभ सन्देश प्रचार करदी अर लुखुं कि सभि बिमारी अर कमजोरि तैं दूर करदी।

मत्ती 9:38

इलै फसल का स्वामि पिता परमेश्वर बट्टी प्रार्थना कैरा कि उ अपड़ा पुंगड़ा मा काम कनु कु मजदूर तैं भेजि द्यो।