लूका 9:48 - गढवली नयो नियम

⁴⁸ अर ऊं बट्टी बोलि, “जु कुई मेरा नौं से यु बच्चों तैं अपणांदु उ मि तैं अपणांदु।” उ मेरा भिजण वला तैं अपणांदु किलैकि जु तुम मा बट्टी सबसे छुटो से छुटो च उ ही बड़ो च।

Garhwali

⁴⁸ “जु कुई मेरा नौ से ये बच्‍चा तैं स्वीकार करदु उ मितैं स्वीकार करदु, अर जु कुई मितैं स्वीकार करदु उ वेतैं स्वीकार करदु जैन मितैं भेजि च। किलैकि तुम मा बटि जु कुई भि दीन बणि के चललु, उई सबसे खास होलु।”

लूका 9:48 Referans Kwoze

लूका 14:11

जु कुई अफ तैं बड़ो बंणालु उ छुटु कि यु जालो अर जु कुई अफ तैं छुटु बंणालु उ बड़ो बणैये जालो।

1 पतरस 5:6

इलै, अपड़ा आप तैं पिता परमेश्वर का संमणी नम्र कैरा जु रक्षा कन मा बलवान च कि उ सै बगत पर तुम तैं बहुतायत से सम्मान द्यो।

लूका 22:26

पर तुम इन नि हुयां; बल्कि जु कुई बढि के महान हूंण त सबसे नम्र अर छुटो अर सभियूं कि सेवा टहल कन वलो बणो।

यूहन्ना 13:20

मि तुम मा सच-सच बुल्णु छौं कि जु मेरी भिजणै कि बात तैं मणदींनि अर मि तैं स्वीकार करद उ मेरा भिजण वला तैं स्वीकार करदो।”

लूका 10:16

जु तुम्हरी सुणदु उ मेरी सुणदु च अर जु तुम तैं तुच्छ जंणदु उ मि तैं तुच्छ जंणदु, उ मेरा भिजण वला तैं भि तुच्छ जंणदु।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

1 थिस्सलुनीकी 4:8

इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।

यूहन्ना 14:21

जु मेरी आज्ञा तैं जंणदु च अर उ, ऊं तैं मंणदु च उ ही मि बट्टी प्रेम रखदु च अर जु मि तैं प्रेम रखदु, वे बट्टी मेरू बुबा प्रेम रखलु अर मि वे बट्टी प्रेम रखलु अर अफ तैं वे पर प्रगट करलो।”

लूका 22:30

कि तुम मेरा राज्य मा मेरी मेज पर खयां पियां सिंहासनों मा बैठी के इस्राएल का लुखुं का बारह गोत्र कु न्याय करिल्या।

लूका 7:28

मि तुम मा बुल्णु छौं कि जु जनन बट्टी जन्मयां छिन ऊंमा बट्टी यूहन्ना से बड़ो कुई नि च पर जु परमेश्वर का राज्य मा छुटो से छुटो च उ वे बट्टी भि बड़ो च।

मरकुस 9:37

जु कुई मनिख मि से प्रेम करदु अर मेरू सम्मान करद उ यूं बच्चों मा बट्टी कै भि एक तैं अपणांदु उ मि तैं न बल्कि परमेश्वर तैं जैल मि तैं भेजि अपणांदु।

मत्ती 25:45

तब मि ऊं तैं जवाब दयालो मि तुम मा सच बुल्णु छौं कि तुम ल जु यूं छुटा से छुटुं मा बट्टी कै एक का दगड़ा मा नि कैरी उ सब मि दगड़ी भि नि कैरी।

मत्ती 25:40

तब मि राजा ऊं तैं जवाब दयालो मि तुम मा सच बुल्णु छौं कि तुम ल जु मेरा यूं छुटा से छुटा मेरा चेला विश्वासी भयों मा बट्टी कै एक का दगड़ा भि कैरी उ सब मि ही दगड़ी कैरी।

मत्ती 19:28

यीशु ल ऊंमा बोलि मि तुम मा सच बुल्णु छौं कि नई सृष्टि मा जब मि मनिख कु नौंनो अपड़ी महिमा का सिहासन पर बैठुलो त तुम भि जु मेरा पिछनैं हवे ग्यां बारह सिंहासन मा बैठी के इस्राएल का लुखुं का बारह गोत्र कु न्याय करिल्या।

मत्ती 18:14

इन ही तुमारा बुबा जु स्वर्ग मा च या मनसा च कि यूं छुटों मा बट्टी कै एक को भि नाश न हो।

मत्ती 18:10

“देखा तुम मा यूं छुटों मा बट्टी कै तैं भि तुच्छ नि जणयां किलैकि मि तुम मा बुल्णु छौं, कि स्वर्ग मा ऊँका स्वर्गदूत मेरा बुबा की उपस्थिति मा रौंदा छिन।”

दिब्य दरस 21:14

ऊंल शहर की दीवार बारह बड़ा-बड़ा ढंगों का मथि बणै छै, अर हर एक ढुंगा पर चिनखा का बारह प्रेरितों मा बट्टी एक-एक को नौं लिख्युं छो।