लूका 9:44 - गढवली नयो नियम

⁴⁴ यु बात तुमारा कंदुडू मा पोड़ि रौनु किलैकि “मि मनिख कु नौंनो” मनिख्युं का हथ से पकड़वे जौलु।

Garhwali

⁴⁴ तब यीशु न अपणा चेलों कू बोलि कि, “तुम मेरी ईं बात तैं कन्दूड़ खोली के सुणी ल्या, कि मनखि को पुत्र लोगु का हाथों मा पकड़वै जाण वळु च।”

लूका 9:44 Referans Kwoze

खास चेलों 2:23

यु ही यीशु पिता परमेश्वर की ठैरैईं मनसा का अनुसार अर परमेश्वर का हूंण वला पूर्व ज्ञान का अनुसार पकड़वये गै छो अर तुम ल अधर्मियों का हथों ल वे तैं सूली पर चढ़ै कै मरवै दींनि।

लूका 9:22

अर वेल बोलि, “मि मनिख कु नौंनो कु जरूरी च कि उ भौत दुःख उठौ अर लुखुं का दाना-सयाणों, प्रधान याजक अर मूसा की व्यवस्था तैं सिखांण वलो वे तैं तुच्छ जांणि के मारि दयूंनु अर उ तीन दिन का बाद फिर ज्यूँदो हवे जालो।”

इब्रानी 2:1

इलै चयणु च, कि जु हम तैं सिखै गै छो, वेको पीछा कनु कु हम जादा चौकस रांण चयणु च, तब हम सचै बट्टी नि भटकुला।

लूका 2:19

पर मरियम यूं सब बातों तैं अपड़ा मन मा रखि के सुचणी रै।

यूहन्ना 19:11

यीशु ल जवाब दे “जु मि तैं परमेश्वर की तरपां बट्टी नि दिये जांदु, त तेरु मि पर कुछ अधिकार नि हूंदो इलै जैल मि तैं तेरु हथ पकड़वै च वेको पाप जादा च।”

यूहन्ना 16:4

पर यु बात मिल तुम मा इलै बोलि कि जब ऊंको पूरो हूंणो कु बगत ऐ त तुम तैं याद ऐ जौ कि मिल तुम बट्टी पैली ही बोल्याली छो मिल यु सब तुम तैं शुरू मा इलै नि बोलि कि वे बगत मा तुम दगड़ी छो।”

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

लूका 18:31

फिर वेल बारहों तैं दगड़ा लिजै के ऊंमा बोलि, “देखा यरूशलेम शहर जांदी बगत बट्टा मा जथग बात मि मनिख कु नौंनो का बार मा परमेश्वर का तरपां बट्टी बुल्ण वलो ल लिखीं छिन ऊं सभि पूरी होलि।”

लूका 2:51

तब उ, ऊं दगड़ी नासरत नगर लौटि के ऐ गै अर ऊंका भस मा रै अर वेकी ब्वे ल यु सब बात अपड़ा मन मा रखिनि।

लूका 1:66

अर सब सुणन वलो ल अपड़ा-अपड़ा मन मा विचार कैरी के बोलि, यु नौंनों कन होलो प्रभु की सामर्थ वे पर छै।

मरकुस 9:31

किलैकि यीशु अपड़ा चेलों का दगड़ी मा और रांण चयणु छो अर ऊं तैं और शिक्षा दींण चांणु छो ऊंकु बुल्द छो कि “मि मनिख कु नौंनो मनिख्युं का हथ बट्टी पकड़वे जालो अर ऊंल मि तैं मारि दींण अर फिर मिल मौत का तीन दिन बाद ज्यूँदो हवे जांण।”

मरकुस 8:31

तब यीशु अपड़ा चेलों तैं सिखौंण लगि गै, “कि मि मनिख का नौंनो तैं जरूरी च कि उ भौत दुःख उठौ अर लुखुं का दाना-सयाणों अर प्रधान याजक अर मूसा की व्यवस्था तैं सिखांण वलो वे तैं तुच्छ जांणि के मारि दयूंनु अर उ तीन दिन का बाद मौत से फिर ज्यूँदो हवे जालो।”

मत्ती 26:2

“तुम जंणदा छा कि द्वी दिन का बाद फसह कु त्यौहार च अर मि मनिख कु नौंनो सूली पर चड़ौंणु कु पकड़वाये जौलु।”

मत्ती 16:21

वे बगत बट्टी यीशु अपड़ा चेलों तैं सिखौंण लगि गै, “कि जरूरी च कि मि यरूशलेम शहर कु जौं अर दाना-सयाणों का अर प्रधान याजक अर मूसा की व्यवस्था तैं सिखांण वलो का हथ से भौत दुःख उठै के मरै जौं अर तिसरा दिन ज्यूँदो हवे जौं।”

यूहन्ना 16:31

यु सूंणि के यीशु ल ऊंमा बोलि, “क्य तुम अब अंत मा विश्वास करदां छा?