लूका 9:26 - गढवली नयो नियम

²⁶ जु कुई मि अर मेरी बातों सै शर्मालो, मि मनिख कु नौंनो भि जब अपड़ी अर पिता कि अर पवित्र स्वर्गदूतों कि महिमा सहित आलो त तब मि भि ऊंको इन्कार कैरी दयुलु।

Garhwali

²⁶ अर जु कुई मि बटि अर मेरा वचनों बटि सरमान्दु, त जब मनखि को पुत्र अपणी अर अपणा पिता अर पवित्र स्वर्गदूतों की सामर्थ का दगड़ा मा वापस आलु, त उ भि वे मनखि से सरमालु।

लूका 9:26 Referans Kwoze

2 तीमुथियुस 2:12

जु हम सब्र रखि के दुःख सौंदयां त वे दगड़ी राज्य भि करला; अर जु हम वेको इन्कार करला त उ भि हम बट्टी इन्कार करलो।

रोमियों 1:16

किलैकि मि तैं मसीह का बारा मा शुभ सन्देश पर पूरो भरोसो च, शुभ संदेश बट्टी ही पिता परमेश्वर ल शुरुआत मा यहूदी लुखुं कु उद्धार कैरी अर फिर यूनानी अन्यजाति अर अब सभि लुखुं कु उद्धार करदो अर य ही पिता परमेश्वर की सामर्थ च।

मरकुस 8:38

जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 25:31

जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।

यूहन्ना 12:43

मनिख्युं कि प्रशंसा वेकी परमेश्वर की प्रशंसा बट्टी जादा प्रिय लगदि छै।

दिब्य दरस 20:11

फिर मिल एक सफेद सिंहासन देखि जै पर पिता परमेश्वर विराजमान छो। पर उख जख पिता परमेश्वर विराजमान छो, उख धरती अर आसमान सब गायब हवे गै, अर कैल भि वे तैं फिर नि देखि।

यहूदा 1:14

अर हनोक जु आदम बट्टी (जु पैलो छो) सातवीं पीढ़ी मा पैदा हवे, यूं लुखुं का बारा मा भविष्यवाणी कैरी छै, जब वेल बोलि, देखा प्रभु निश्चित रूप बट्टी अपड़ा पवित्र स्वर्गदूतों की भौत बड़ी संख्या का दगड़ी आलो

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

दिब्य दरस 3:5

उ जु जीत पौदींनि ऊं तैं भि ऊंका जन सफेद कपड़ा पैरे जाला। मि ऊंका नौं वीं किताब बट्टी नि हटौलु जै मा पिता परमेश्वर ल ऊं लुखुं का नौं लिख्यां छिनी जौं तैं अनन्त जीवन मिललो। मि अपड़ा पिता का संमणी अर वेका स्वर्गदूतों का संमणी यु बतौलु की उ मेरा छिनी।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

गलातियों 6:14

मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

मत्ती 26:64

यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”

इब्रानी 13:13

आवा हम यहूदी रीतियों तैं छोड़ी के छावनी का भैर जख लोग रौंदा छा ऊंमा चला अर यीशु पर विश्वास कैरी के; अर जन यीशु ल अनादर तैं सै, उन ही हम भि अनादर तैं सै ल्या।

इब्रानी 11:26

मूसा जंणदु छो कि मिस्र देश का भण्डार की तुलना मा मसीह कु दुख भुकतण बढ़िया च, किलैकि इन कन से पिता परमेश्वर वे तैं स्वर्ग मा ईनाम दयालो।

2 कुरिन्थि 12:10

इलै मि मसीह की कमजोरियों, अर निन्दाओं मा, अर दरिद्रता मा, अर घपरौल मा, अर दुखों मा, खुश छों; किलैकि जब मि कमजोर हूंदु, तब मि मसीह की सामर्थ मा मजबूत हूंदु।

यूहन्ना 5:44

तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?

खास चेलों 10:22

तब ऊंल बोलि, “कुरनेलियुस सुबदार, जु धर्मी च अर पिता परमेश्वर बट्टी डरदु च, अर जै की पूरा यहूदी जाति का लोग इज्जत करदींनि, वे तैं एक पवित्र स्वर्गदूत ल यु हुकुम दींनि कि उ तुम तैं अपड़ा घौर बुलै के वचन सुंणौ।”

1 तीमुथियुस 5:21

पिता परमेश्वर, अर मसीह यीशु, अर चुणयां स्वर्गदूतों तैं गवाह जांणि के मि त्वे तैं चितौंणु छौं, कि जु कुछ भि तु करदी, खुला मन बट्टी यूं बातों तैं मांणा कैर, अर कुई भि काम पक्षपात नि कैरा कर।