लूका 8:5 - गढवली नयो नियम

⁵ “एक बुतै कन वलो बीज बुतुणु कु अपड़ा पुंगडा मा गै। अर बुतुण बगत कुछ बीज त बट्टा का किनारा पर छिलरेनी अर रौंदे गैनी अर आसमान का चलखुडों ल ऐ के ऊं बीजों तैं खै दींनि।”

Garhwali

⁵ “एक बार एक किसान बीज बुतण कू गै। अर जब उ बीज बुतणु छौ, तब कुछ बीज बाटा का किनरा पोड़ीनी अर खुटों का तौळ पितड़े गैनी, अर पंछियों न ऐके ऊंतैं चुगि दिनी।

लूका 8:5 Referans Kwoze

इब्रानी 2:1

इलै चयणु च, कि जु हम तैं सिखै गै छो, वेको पीछा कनु कु हम जादा चौकस रांण चयणु च, तब हम सचै बट्टी नि भटकुला।

मरकुस 4:15

कुछ लोग वे बट्टा जन छिन जख कि वचन को बीज बुतै जांद उ यु छिनी कि जब ऊंल सूंणि त शैतान तुरंत ऐ के वे वचन तैं जु ऊंमा बुतै छो उठै के ले के चलि जांदु।

मत्ती 13:37

वेल ऊं तैं जवाब दींनि अच्छा बीज तैं बुतंण वलो मि मनिख कु नौंनो छों।

मत्ती 5:13

“तुम ईं दुनिया का लुखुं कु लूंण का जन छा, पर जु लूंण कु स्वाद बिगड़ि जौं त उ फिर कनके ल्युणणो करे जालो? फिर उ कै काम को नि च भस यांका कि भैर फिंकै जौ अर मनिख्युं का खुट्टों तौला रौंदे जौं।”

लूका 8:4

जब बड़ी भीड़ कट्ठा हवे अर गौं-गौं का लोग वेमा औंदा छा त यीशु ल ऊंमा मिसाल दे के बोलि।

लूका 8:6

अर कुछ पौड़ पर गिरिनि अर उगिनी पर तरौटि नि मिलणा कारण जल्दी सूखि गैनी।