लूका 8:41 - गढवली नयो नियम

⁴¹ अर देखा याईर नौं कु एक आदिम जु यहूदियों का मिलणा का भवन मा सरदारों मा बट्टी एक छो, यीशु मा ऐ के वेका खुट्टों मा पोड़ि के वे बट्टी बिनती कन लगि गै कि मेरा घौर चल

Garhwali

⁴¹ अर इथगा मा याईर नौ को एक मनखि वेका पास ऐ, अर यू यहूदियों का प्रार्थना भवन को मुखिया छौ। अर उ वेका खुटों मा पोड़ि के वे बटि बिन्ती करण लगि गै कि, गुरुजी, मेरा घौर चला।

लूका 8:41 Referans Kwoze

खास चेलों 18:8

तब यहूदियों का मिलणा का भवन को सरदार क्रिस्पुस ल अपड़ी सैरी कुटुम्दारी समेत प्रभु पर विश्वास कैरी; अर भौत सैरा कुरिन्थ शहर मा रांण वला सूंणि कै विश्वास कन लगि गैनी अर तब ऊंल बपतिस्मा लींनि।

खास चेलों 13:15

मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की किताब बट्टी पढ़ण का बाद यहूदियों का मिलणा का भवन को सरदारों ल ऊंमा संदेश भेजि, “हे विश्वासी भयों, जु लुखुं का उत्साह कु तुम्हरा मन मा कुई बात हो त बोला।”

लूका 13:14

इलै कि यीशु ल यहूदियों का विश्राम का दिन जु परमेश्वर कु पवित्र दिन च वीं तैं ठिक कैरी छो यहूदियों का मिलणा का भवन का सरदार रमशे के लुखुं बट्टी बुल्ण लगि गै, एक सप्ताह मा छै: दिन छिन हम तैं काम कन चयणु च, इलै ऊं दिनों मा ऐ के ठिक हो पर यहूदियों का विश्राम का दिन जु परमेश्वर कु पवित्र दिन च मा न।

लूका 8:49

जब यीशु वीं बट्टी बात कनु ही छो त यहूदियों का मिलणा का भवन का सरदार का घौर बट्टी लुखुं न ऐ के बोलि, “कि तेरी नौंनि त मोरि गै अब गुरु तैं परेशान नि कर।”

दिब्य दरस 5:8

जब वेल किताब (चाम्रपत्र) लींनि, त उ चरी ज्यून्दा प्राणी अर चौबीसों दाना-सयाणों ल वे चिनखा का संमणी झुकि गैनी; हर एक दाना-सयणां ल एक वीणा अर सोना कु बणयुं कटोरा पकड़यूं छो। कटोरा धूप ल भुरयां छो जु ऊं लुखुं की प्रार्थनाओं तैं बतांद जु पिता परमेश्वर का छिनी।

खास चेलों 18:17

तब सभि लुखुं ल यहूदियों का मिलणा का भवन का सरदार सोस्थिनेस तैं पकड़ी के अर वे तैं न्याय आसण का संमणी मारि। पर गल्लियों ल यूं बातों कि कुई भि चिन्ता नि कैरी।

खास चेलों 9:38

लुद्दा नगर याफा नगर का संमणी ही छो चेलों ल यु सूंणि के की पतरस उख च, तब ऊंल तुरंत द्वी आदिमों तैं भेजि के उख औणे की बिनती करे, “कि हम मा आंण मा देर नि कर।”

लूका 17:16

अर यीशु का खुट्टों मा पोड़ि के धन्यवाद कन लगि गै अर यु आदिम सामरी जाति कु छो।

लूका 5:8

यु देखि के शमौन पतरस यीशु का खुट्टों मा गिरि अर बोलि, “हे प्रभु मेरा संमणी बट्टी जा किलैकि मि पापी मनिख छौं।”

यूहन्ना 11:21

मार्था ल यीशु कु बोलि, “हे प्रभु, त्वे तैं इख हूंण चयणु छो तब मेरा भैय की मृत्यु नि हूंद

लूका 8:42

किलैकि वेकी बारह बरस कि एकलौती नौंनि छै अर व मुरण वली छै, जब उ जांणु छो तब लोग वे पर फरकेंदा छा।