लूका 8:35 - गढवली नयो नियम

³⁵ अर लोग यु जु कुछ हवे छो दिखणु कु गैनी अर यीशु का संमणी ऐ के जै आदिम पर बट्टी दुष्टात्मा निकली छै वे तैं यीशु का खुट्टों का संमणी कपड़ा पैर्यां अर चेत ल बैठयूं देखि के डौर गैनी।

Garhwali

³⁵ तब लोग जु कुछ ह्‍वे छौ वेतैं दिखण का बाना नगर बटि निकळि के यीशु का पास ऐनी। अर उख ऐके ऊंन वे मनखि तैं यीशु का खुटों का पास कपड़ा पैरि के अर चेतन बैठयूं देखि जै पर खबेस लग्यां छा, अर यू देखि के ऊ डौऽरी गैनी

लूका 8:35 Referans Kwoze

लूका 10:39

अर मार्था की बैंण मरियम प्रभु का खुट्टा का संमणी बैठी के वेका शिक्षाओं तैं सुंणदि छै।

1 यूहन्ना 3:8

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

खास चेलों 22:3

“मि यहूदी छौं, मेरू जन्म किलिकिया प्रदेश का तरसुस शहर मा हवे अर यु शहर मा बड़ो हुयुं छौं। मिल अपड़ा पुरखों की व्यवस्था का अनुसार गमलीएल का खुट्टों मा बैठी के बड़ी लगन से शिक्षा पै छै, अर परमेश्वर कु इन धुन लगि, जन कि तुम सभियूं ल आज लगईं च।”

लूका 8:27

जब यीशु छाला पर उतरी त वे गौं कु एक आदिम ऊं तैं मिली जै पर दुष्टात्मा छै अर उ भौत दिनों बट्टी न झुलड़ा पैरुद छो अर न घौर मा रौंदु छो पर कब्रों मा रौंदु छो।

लूका 15:17

जब वे तैं समझ ऐ त बुद्धिमानी से सुनण लगि गै तब बुल्ण लगि गै “मेरा बुबा का कथग ही मजदूरों तैं ये से जादा रुट्टि मिलदी छै इलै कि अर मि इख भुखी मुरण छौं।”

लूका 2:46

अर तीन दिन का बाद ऊंल वे तैं यरूशलेम शहर का मन्दिर का चौक मा उपदेशकों का बीच मा बैठयूं अर ऊंकी सुणद अर ऊं बट्टी सवाल करद पै।

मरकुस 5:15

अर लोग यीशु का संमणी ऐ के वे आदिम तैं जै पर भौत सी दुष्टात्मा समायी छै वे तैं अच्छा कपड़ा पैरयुं अर सुद बुद मा बैठय्युं देखि के डौर गैनी अर सोच म पोड़ी गैनी।

मत्ती 4:24

अर सैरा सीरिया प्रदेश का देश मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।

लूका 8:34

चरवाहा यु जु कुछ हवे छो देखि के भागि के अर शहर मा अर गौं मा जै के य बात बोलि।