लूका 8:13 - गढवली नयो नियम

¹³ पौड़ पर का उ छिन कि जब सुणदींनि त खुशी से वचन तैं स्वीकार कैरी दींदिनि पर अफ मा जौड़ा नि रखणा वजह से जरा देर तक विश्वास रखदींनि अर अजमैश औंदि त तब उ तुरंत पिछनै हवे जंदींनि।

Garhwali

¹³ अर जु बीज ढुंग्याण जमीन पर पोड़ीनी, ऊ वु लोग छिन जु वचन तैं सुणी के खुशी से स्वीकार करदिन, अर कुछ बगत तक ऊ बिस्वास त करदिन, पर बिस्वास मा जड़ नि पकड़ण की वजै से जब अजमैस ऊंका जीवन मा औन्दिन, त ऊ बिस्वास करण छोड़ि देन्दिन।

लूका 8:13 Referans Kwoze

यूहन्ना 5:35

यूहन्ना एक दिवडा का जन च जु जलद अर चमकदु छो अर तुम तैं कुछ देर तक वेका उज्यला मा मगन हूंण अच्छो लगि।

यहूदा 1:12

जब यु लोग प्रभु का प्रेम तैं याद कैरी के तुम दगड़ी प्रीति भोज मा खांणु खंदींनि, त यु ऊं खतरनाक चट्टानों का जन छिनी जु समुद्र का मूड़ी छिपियां छिनी जु तुम्हरा डुबणों को कारण बंणि सकदींनि। उ ऊं बेशर्म चरवाहों का जन छिनी जु भस अपड़ी ही चिन्ता करदींनि। उ ऊं बादलों का जन छिनी जु धरती पर बरखा करयां बगैर भस गरजणा रौदींनि। उ ह्यूंद का मौसम का डाला जन छिनी जु द्वी तरपां बट्टी मुरयां हूंदींनि, किलैकि उ कुई फल नि दींदिनि अर जौड़ा बट्टी उखड़ जंदींनि।

2 पतरस 2:22

ऊंल जु कैरी, बिल्कुल उ ही बात यु द्वी कहावत बुल्दींनि; “कुकुर उल्टी करद, अर फिर वे तैं खै दींद जु वेल उल्टी कैरी छै।” अर, “जब कुई आदिम एक सुंगर तैं धवे दींद, त उ सुंगर फिर दुबरा वे ही कीच मा लौटणु कु चलि जांद।”

2 पतरस 2:20

लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।

इब्रानी 10:39

पर हम ऊं लुखुं मा नि छा जु पिता परमेश्वर बट्टी पिछनै हटि जंदींनि अर नाश हवे जंदींनि; पर हम ऊं लुखुं मा छा जु विश्वास बणै रखदां अर जौंकी आत्मा बचि जयदींनि।

इफिसुस 3:17

अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

याकूब 2:26

जन देह, सांसों बगैर मुरीं च, उन ही विश्वास भि अच्छा कामों का बगैर बेकार च।

1 तीमुथियुस 1:19

कुछ लुखुं ल अपड़ा शुद्ध विवेक तैं छोडे़ले, अर ऊंल मसीह पर विश्वास कनै की अपड़ी योग्यता कु नाश कैरेले, ठिक उन ही जन एक जहाज का टकरांण जहाज कु नाश कैरी दींद।

1 थिस्सलुनीकी 3:5

यु कारण से जब मि परेशान छो अर जब मि यूं जांणि बगैर रै नि साको कि तुम कन छा त मिल तीमुथियुस तैं तुमारा विश्वास कु हाल समाचार जनणु कु भेजि, किलैकि हम डरदा छा कि कखी इन नि हो, कि अजमैश कन वला शैतान तुम्हरी अजमैश कैरी हो, अर हमारी मेहनत बेकार हवे गै हो।

कुलुसी 2:7

जन एक डालो धरती मा जड़ पखड़दो अर एक घौर बुनियाद पर मजबूत रौंदो उन ही तुम अपड़ा विश्वास मा मजबूत हूंदी जावा, अर हमेशा वेमा बढ़दी जावा, जन तुम तैं सिखै छो अर जादा से जादा धन्यवाद करदी रावा।

गलातियों 3:4

विश्वासी बनांण का बाद हम ल भौत दुःख उठै। मि सच मा आशा करदु छों की या दुःख बेकार नि छों।

गलातियों 3:1

हे गलातियों शहर का विश्वासी लुखुं क्य तुम न समझ छा, कैल तुम तैं भरमै? मिल तुम तैं ठिक से समझै की जब यीशु मसीह तैं सूली पर चढ़ै गै, त वेल कै काम तैं पूरो कैरी।

1 कुरिन्थि 15:2

पिता परमेश्वर तुम तैं वे शुभ सन्देश प्रचार का द्वारा बचांद, जु तुम वे शुभ संदेश पर विश्वास कना रैला, जैको मिल तुम्हरा बीच मा प्रचार कैरी; जु तुम विश्वास कन बंद कैरी द्या त तुम्हरी कुई कीमत नि च, अर यु बेकार च।

यूहन्ना 15:6

जु कुई मि मा बणयुं नि रालो त उ फौंकि कि तरौं फुंड ढुलै जांदु अर सूखि जांदु” अर लोग वे तैं बटोरी कै आग मा झौंकि दींद अर उ फुके जांद।

यूहन्ना 15:2

हर एक डाली जु मि बट्टी च पर फल नि दींदी, त वे तैं तोड़ी डल्द अर जु फल्दी च, वेकी कटाई करदु कि हरेक फलो।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

मरकुस 6:20

किलैकि राजा हेरोदेस यूहन्ना तैं धर्मी अर पवित्र मनिख जांणि के वे बट्टी डरदु छो अर वेकी रक्षा करद छो अर वेकी बातों तैं सूंणि के भौत घबरांदु छो फिर भि खुशी से वे तैं सुंणदु छो।

1 यूहन्ना 2:19

उ लोग जु अब मसीह को विरोध करदींनि, उ निकली त हम ही बट्टी छिनी, पर हमारा दगड़िया नि छिनी, किलैकि जु उ हमारा दगड़िया हुंदा, त हम दगड़ी रौंदा, पर ऊंल हम तैं छोड़ दींनि किलैकि उ हमारा झुंड का हिस्सा नि छा।

लूका 8:12

बट्टा का किनारा का यु छिन जौं ल वचन सूंणि तब शैतान ऐ के ऊंका मन बट्टी वचन चुरा लिजांदु कि कखि इन नि हो कि उ विश्वास कैरी के उद्धार पौनु।

लूका 8:14

जु झिबलांण मा गिरी उ यु छिनी जौं ल वचन तैं सुणदा त छिन पर बडद-बडद चिंता अर धन दौलत का सुख का फैर मा फंसि जंदींनि अर वे तैं कुछ फैदा नि हुंदा।