लूका 7:28 - गढवली नयो नियम

²⁸ मि तुम मा बुल्णु छौं कि जु जनन बट्टी जन्मयां छिन ऊंमा बट्टी यूहन्ना से बड़ो कुई नि च पर जु परमेश्वर का राज्य मा छुटो से छुटो च उ वे बट्टी भि बड़ो च।

Garhwali

²⁸ “अर मि तुम बटि बोन्‍नु छौं, कि जथगा भि लोगु न जनानियों बटि जनम लियूं च, ऊंमा बटि यूहन्‍ना से महान कुई नि च। पर जु परमेस्वर का राज मा सबसे छुटो च, उ यूहन्‍ना से भि महान च।”

लूका 7:28 Referans Kwoze

मत्ती 11:11

मि तुम मा सच बुल्णु छौं कि जु जनन बट्टी जन्मी छिनी ऊंमा बट्टी यूहन्ना बपतिस्मा दींण वला से कुई बड़ो नि हवे पर जु स्वर्ग का राज्य मा छुटो से छुटो च उ वे बट्टी बड़ो च।

लूका 9:48

अर ऊं बट्टी बोलि, “जु कुई मेरा नौं से यु बच्चों तैं अपणांदु उ मि तैं अपणांदु।” उ मेरा भिजण वला तैं अपणांदु किलैकि जु तुम मा बट्टी सबसे छुटो से छुटो च उ ही बड़ो च।

लूका 3:16

तब यूहन्ना ल ऊं सभियूं मा बोलि, “कि मेरा बाद उ औंण वलो च जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग से बपतिस्मा दयालो।”

मत्ती 3:1

ऊं दिनों मा यूहन्ना बपतिस्मा दींण वलो यहूदिया प्रान्त का एकांत जंगल मा ऐ के पापों का रस्ता बट्टी मन फिराव को बपतिस्मा कु प्रचार करदो छो

लूका 7:27

यु उ ही च जैका बारा मा परमेश्वर का वचन मा लिख्युं च कि देख मि अपड़ा दूत तैं तेरा अगनैं-अगनैं भिजणु छौं जु तेरु अगनैं बट्टा तैं सैंणु करलो।

लूका 7:29

अर सब साधारण लुखुं ल जब यीशु की बुलीं बातों तैं सूंणि, त सब लुखुं ल, यां तक की चुंगि लींण वलो ल भि बोलि, कि परमेश्वर धर्मी च यूहन्ना को बपतिस्मा ले के परमेश्वर तैं सच्चो मांणि।