लूका 6:21 - गढवली नयो नियम

²¹ “धन्य छा तुम जु अब भूखा छा किलैकि तृप्त किये जाला धन्य छा तुम जु अभि रूंदा छा किलैकि हैंसिल्या।”

Garhwali

²¹ धन्य छाँ तुम जु की अभि भूका छाँ, किलैकि तुमरि तड़प पूरि किये जालि। धन्य छाँ तुम जु की अभि रुंणा छाँ, किलैकि तुम हैंसिल्या।

लूका 6:21 Referans Kwoze

यूहन्ना 6:35

यीशु ल ऊंमा बोलि, अनन्त जीवन दींण वली रुट्टि मि छों जु मि मा औंणु च उ कभि भि भुखी नि होलो अर जु मि पर विश्वास करदो च उ कभि तिसलो नि होलो।

मत्ती 5:6

“धन्य छिन उ जु धार्मिकता से जीवन जीणै की सच्ची इच्छा रखदींनि, किलैकि परमेश्वर ऊं तैं तृप्त करलो।”

याकूब 1:12

धन्य च उ आदिम, जु अजमैश का बगत भि मजबूत रौंदो; किलैकि जब उ अजमैश तैं पार कैरी दींदो तब पिता परमेश्वर वे तैं अनन्त जीवन को मुकुट दयालो, ज्यांको वादा पिता परमेश्वर ल अपड़ा प्रेम रखण वलो दगड़ी करयूं च।

लूका 1:53

वेल भूखों तैं भलि चीजों से तृप्त कैरी अर धनवानों तैं खाली हथ निकाली दींनि।

मत्ती 5:4

“धन्य छिन उ जु शोक करदींनि, किलैकि परमेश्वर ऊं तैं शान्ति दयालो।”

दिब्य दरस 7:16

“उ फिर भूखा अर तिसला नि होला; अर सूरज ऊं तैं फिर कभी नि जलालो, न ही गर्मी ऊं तैं जलाली।

लूका 6:25

पर हाय तुम पर जौं मा उ सब कुछ च जु तुम चांदा छा किलैकि भुखी रैल्या हाय तुम पर जु अभि हैंसणा छा किलैकि दुखी करिल्या अर रुवैल्या।

1 कुरिन्थि 4:11

हम आज तक भि भुखी, तिस्सी छा अर फटयां पुरणा कपड़ोंं मा छा, अर हम दगड़ी बुरो बरतौ हूंणु च, अर हम मा रौंणु कु भि घौर भि नि च।

यूहन्ना 4:10

यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”

दिब्य दरस 21:3

फिर मिल एक आवाज सूंणि जु पिता परमेश्वर का सिंहासन बट्टी जोर से बोलि, “देख, अब बट्टी पिता परमेश्वर लुखुं का बीच अपड़ो डेरा बणालो। उ, ऊं दगड़ी रालो, अर उ वेका लोग होला, पिता परमेश्वर अफ, ऊं तैं अपड़ा लुखुं का रूप मा स्वीकार करला अर उ, ऊं दगड़ी रालो, अर उ भि वे तैं अपड़ा पिता परमेश्वर का रूप मा स्वीकार करलो।

2 कुरिन्थि 12:10

इलै मि मसीह की कमजोरियों, अर निन्दाओं मा, अर दरिद्रता मा, अर घपरौल मा, अर दुखों मा, खुश छों; किलैकि जब मि कमजोर हूंदु, तब मि मसीह की सामर्थ मा मजबूत हूंदु।

2 कुरिन्थि 11:27

पर मिल ऊं बट्टी कई जादा मेहनत कैरी; बार-बार बिज्यां रौंण मा; भूख-तीस मा; बार-बार भूखो रै के उपवास रखण मा भि; झाैड़ मा; बिज्यां रौंण मा।

2 कुरिन्थि 6:10

हम मा दुःख कु बगत भि छो, पर हम हमेशा खुश रां, हम कंगाल त छा, पर भौतों तैं आत्मिक रूप बट्टी धनवान बणै दींदयां; इन छा जन हम मा कुछ नि च फिर भि हम मा सब कुछ च।

यूहन्ना 11:35

यीशु रूंण लगि गै।

लूका 6:20

अर तब चेलों तैं शिक्षा दींण लगि गै, धन्य छिन उ, “जु मन मा परमेश्वर का प्रति अपड़ी जरुरत का ख्याल करदींनि किलैकि स्वर्ग को राज्य ऊंको च।”

लूका 6:22

धन्य छा तुम जब मि मनिख कु नौंनो का कारण लोग तुम बट्टी बैर करला अर तुम तैं निकाली दयाला अर तुमारी बुरै करला अर तुमारो नौं बुरो जांणि के काटि दयाला।