लूका 5:24 - गढवली नयो नियम

²⁴ पर इलै की तुम जांणि जां कि मि मनिख कु नौंनो धरती पर पाप माफ कनु को भि अधिकार रखदु च तब यीशु ल लकवा का रोगी कु बोलि, “मि त्वे कु बुल्णु छौं उठ अपड़ी खाट उठै के घौर चलि जा।”

Garhwali

²⁴ अर अब तुम जाणि जा, कि मनखि का पुत्र तैं धरती पर पाप माफ करण को अधिकार दियूं च।” तब यीशु न वे लकवा पोड़्यां मनखि कू बोलि, “मि त्वे बटि बोन्‍नु छौं, उठ, अर अपणा बिस्तर तैं उठे के अपणा घौर चलि जा।”

लूका 5:24 Referans Kwoze

दिब्य दरस 1:13

अर ऊं दिवडों का बीच एक मनिख का नौंना का जन कुई दिखै, उ लंबा कपड़ा पैरयूं छो जु वेका खुट्टों तक पौंछदो छो। वेल अपड़ी छती पर एक सोना को कमरबन्द पैरयूं छो।

खास चेलों 14:10

तब पौलुस ल जोर से बोलि, “अपड़ा खुट्टों का बल सीधो खड़ो हो।” तब यु सूंणि के उ एकदम खड़ो हवे गै अर चलण फिरण लगि गै।

खास चेलों 9:40

तब पतरस ल सभियूं तैं भैर भेज दींनि अर वेका बाद घुंडा टेकी के पिता परमेश्वर बट्टी प्रार्थना कैरी, अर लांश की तरपां देखि के बोलि, “तबिता, उठ!” अर व आँखा खोलि पतरस तैं दिखण लगि गै अर बैठी गै।

खास चेलों 9:34

जब पतरस ल वे बट्टी बोलि, “हे एनियास! यीशु मसीह त्वे तैं ठिक करदो। उठ, अपड़ो बिस्तरा उठौ!” तब उ तुरंत उठि गै।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

यूहन्ना 17:2

किलैकि तिल मि तैं सब लुखुं पर अधिकार दियूं च कि जै तैं तिल मि दियुं च ऊं सभियूं तैं मि अनन्त जीवन द्यों।

यूहन्ना 11:43

इन बोलि, के ऊंल जोर से धै लगै के बोलि, “हे लाजर भैर निकली के औ।”

यूहन्ना 5:27

अर किलैकि मि मनिख कु नौंनो छों पिता परमेश्वर ल मि तैं सभि लुखुं पर न्याय कनु कु अधिकार दियुं च इलै की मि मनिख कु नौंनो छों।

यूहन्ना 3:13

कुई स्वर्ग पर नि गै पर भस मि मनिख कु नौंनो ही स्वर्ग बट्टी मुड़ी अयुं छों।

लूका 8:54

पर वेल वीं को हथ पकड़ी अर पुकारी के बोलि, “हे नौंनि उठ”

लूका 7:14

तब वेल संमणी ऐ के मुर्दे की अर्थी तैं छवे अर उठौंण वला रुकि गैनी तब वेल बोलि, “हे जवान मि त्वे बट्टी बुल्णु छौं उठि जा।”

लूका 5:13

यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा” अर वेको कोड़ वे ही बगत ठिक हवे गै।

मत्ती 28:18

तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”

मत्ती 26:64

यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”

मत्ती 25:31

जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।

मत्ती 16:13

यीशु कैसरिया अर फिलिप्पी नगर मा ऐ अर अपड़ा चेलों बट्टी पुछण लगि गै “कि लोग मि मनिख कु नौंनो कु क्य बुल्दींनि”

मत्ती 9:6

ज्यां बट्टी तुम जांणि जां कि, “मि मनिख कु नौंनो धरती पर पाप माफ कनु कु भि अधिकार रखदु छों तब वेल लकवा का रोगी कु बोलि मि त्वे कु बुल्णु छौं उठ अपड़ी खाट उठै के घौर चलि जा।”

मत्ती 4:24

अर सैरा सीरिया प्रदेश का देश मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।

लूका 5:18

अर देखा भौत लोग एक लकवा का रोगी तैं चार मनिख्युं मा उठवै के यीशु का संमणी रखणों उपाय खुज्योंणा छा।

लूका 5:23

ठिक क्य च? क्य लकवा का रोगी कु इन बुल्ण कि तेरा पाप माफ हवेनि या इन बुल्ण कि उठ अपड़ी खाट उठै के चल?