लूका 4:25 - गढवली नयो नियम

²⁵ अर मि तुम मा सच बुल्णु छौं मेरी बात सूंणा उ सच छिनी की ऊख भौत विधवा छै कि परमेश्वर की तरपां बट्टी बुल्ण वलो एलिय्याह का दिनों मा जब साढ़े तीन बरसों तक स्वर्ग बंद रै अर बरखा नि हवे कि सैरा इस्राएल का लुखुं का घराना मा बड़ो अकाल पड़ि।

Garhwali

²⁵ “अर मि तुम बटि सच्‍च बोन्‍नु छौं कि, एलिय्याह रैबर्या का दिनों मा जब सढ़े तीन साल तक सरग नि बरखी, अर पूरा देस मा अकाळ पोड़ि छौ, त उबरि इस्राएल मा भौत सरी विधवा छै।

लूका 4:25 Referans Kwoze

याकूब 5:17

एलिय्याह परमेश्वर का संदेश दींण वलो भि त हमारा संमणी दुख-सुख भुगण वलो मनिख छो; वेल अपड़ा पूरा मन ल प्रार्थना कैरी, कि बरखा नि हो; अर साढ़े तीन साल तक धरती पर बरखा नि हवे।

मत्ती 20:15

निश्चित रूप से मि मा यु अधिकार च कि मि अपड़ा पैसा तैं अपड़ी मर्ज़ी मा अनुसार खर्च कैर? क्य मेरा भला हूंण का वजह से तु बुरी नजर से दिखणी छै?

लूका 10:21

वीं बगत यीशु पवित्र आत्मा मा हवे के खुशी से भरि गै अर बोलि, “हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार बट्टी छिपै के रखि अर बालकों पर प्रगट कैरी हां, हे पिता किलैकि त्वे तैं यु ही अच्छो लगि।”

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

रोमियों 9:20

हे दगड़िया, तु कु छै? जु पिता परमेश्वर बट्टी सवाल कनी छै, क्य बंणई चीज बनांण वला बट्टी पूछि सकदी, “तिल मि तैं इन किलै बंणै?”

रोमियों 9:15

किलैकि पिता परमेश्वर मूसा बट्टी बुल्द, “मि जै कै पर दया कन चौलु, वे पर दया करुलु, अर जै कै पर कृपा कन चौं वे पर ही कृपा करुलु।”

दिब्य दरस 11:6

पिता परमेश्वर ल ऊं तैं संदेश दींणै की घोषणा का दौरान स्वर्ग बट्टी बरखा तैं रुकणु को अधिकार दियुं च। ऊं तैं सभि पांणी पर अधिकार च, कि वे तैं ल्वे बणा, अर धरती पर सभि किस्म की भयानक आपदाओं तैं चोट पौछांणो कु अधिकार भि मिल्युं च। उ जथग बार भि चाहा उथग बार इन कैर सकदींनि।