लूका 3:3 - गढवली नयो नियम

³ अर उ यरदन गाड का अमणी-संमणी का सभि देशों मा ऐ के पापों तैं माफ कनु को बपतिस्मा कु प्रचार करदो छो।

Garhwali

³ अर उ यरदन गाड का आस-पास का मुलक मा जैके पापों बटि माफी पौण खुणि मन से पस्ताप कैरिके बपतिस्मा लेण को परचार कनु छौ।

लूका 3:3 Referans Kwoze

लूका 1:77

उ अपड़ा लुखुं का पापों तैं माफ कन का द्वारा वेका लुखुं तैं उद्धार कु ज्ञान दे ऊं तैं उद्धार का बारा मा ज्ञान दयालो।

खास चेलों 22:16

अब तु देर किलै कनी छै? उठ, बपतिस्मा ले, अर वे बट्टी प्रार्थना का द्वारा अपड़ा पापों बट्टी शुद्ध हूंणु कु माफी मांग”

खास चेलों 19:4

पौलुस ल बोलि, “यूहन्ना ल ऊं लुखुं तैं बपतिस्मा द्ये जैल पाप कन बंद कैर द्ये अर परमेश्वर की तरपां मुड़ी गैनी, पर वेल इस्राएल का लुखुं बट्टी बोलि, कि ऊं यीशु पर विश्वास कैरा जु वेका बाद आलो।”

खास चेलों 13:24

जैका आंण से पैली यूहन्ना ल सभि इस्राएलियों तैं अपड़ा पापों को पश्चाताप कनु अर पिता परमेश्वर की तरपां मुड़णु अर बपतिस्मा लींणे की जरूरत च।

यूहन्ना 3:26

अर यूहन्ना का चेला यूहन्ना का संमणी ऐ के वेमा बुल्ण लगी गैनी, “हे गुरु जु मनिख यरदन गाड का पूर्व दिशा मा त्वे दगड़ी छो अर जै की तिल गव्है दे छै, देख, उ बपतिस्मा दींणु च अर सब लोग संमणी औंदा छिन।”

मत्ती 3:11

मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

यूहन्ना 1:28

या बात यरदन गाड का पार बैतनिय्याह नगर मा हवे जख यूहन्ना लुखुं तैं बपतिस्मा दींदो छो।

लूका 1:16

अर इस्राएल का लुखुं का घराना तैं ऊंका प्रभु परमेश्वर मा वापिस आलो।

लूका 4:1

फिर यीशु मसीह का यरदन गाड मा बपतिस्मा लींणा का बाद तब पवित्र आत्मा ल तुरंत वे तैं एकांत जंगल कि तरपां भेजि।