लूका 24:39 - गढवली नयो नियम

³⁹ मेरा हथ अर मेरा खुटा देखा कि मि उ ही छौं। मि तैं छू कै देखा किलैकि दुष्टात्मा कु हड़का अर मांस नि हूंद जन तुम मि मा दिखणा छा।

लूका 24:39 Referans Kwoze

यूहन्ना 20:27

तब वेल थोमा कु बोलि, “अपड़ी अंगुली इख लौ अर मेरा हथों तैं देख अर अपड़ो हथ बढ़ै के मेरी पंणकोखि पर डाल अर सन्देह कन बंद कैर, पर विश्वास कैर की मि मुर्दों मा बट्टी ज्यूँदो हवे ग्यों।”

1 यूहन्ना 1:1

हम एक इन मनिख का बारा मा लिखणा छा, जु जीवन को वचन च, उ पैली बट्टी छो, जै तैं हम ल सूंणि, अर जै तैं अपड़ा आँखों ल देखि, बल्कि जै तैं हम ल ध्यान से देखि अर हथों ल भि छवे।

यूहन्ना 20:20

अर इन बोलि, वेल ऊं तैं अपड़ा हथों अर पंणकोखि का घाव दिखैनी; तब चेला प्रभु तैं देखि के आनन्दित हवेनि।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

इब्रानी 12:9

फिर जबकि हमारा दुनयावी बुबा भि हम तैं डंटद अर हम वेको आदर करदा, फिर हम तैं अपड़ा स्वर्गीय पिता कु कथग सम्मान कन चयणु च अर वेकी बातों तैं सुनण चयणु च अर जब उ हम तैं सुधरलो तब तक हम ज्यून्दा रौला।

यूहन्ना 20:25

जब अर चेला वेको बुल्ण लगि गै, “हम ल प्रभु तैं देखि।” तब वेल ऊंमा बोलि, “जब तक मि वेका हथों मा कील्युं का घाव नि देखलु, अर कील्युं का घावों मा अपड़ी अंगुली नि डललु, अर वेकी पंणकोखि मा अपड़ो हथ डाली कै नि देखू तब तक विश्वास नि करुलु की उ मुर्दों मा बट्टी जी उठि गै।”

खास चेलों 1:3

यीशु का दुख उठौंणा अर मौत का बाद भौत सैरा पक्का सबूतों का द्वारा अफ तैं ज्यूँदो दिखै अर चालिस दिनों तक उ प्रेरितों तैं दिखेंणु रैं अर परमेश्वर का राज्य कि बात कनु रैं।

लूका 23:46

अर यीशु ल जोर से धै लगै के बोलि, “हे बुबा मि अपड़ी आत्मा तेरा हथ मा सौंपणु छौं अर इन बोलि, कै तब यीशु ल प्राण छोड़ी द्ये।”

लूका 24:38

यीशु ल ऊंकु बोलि, “घबराणा किलै छा? अर तुमारा मन मा सन्देह किलै कनि छै?”

लूका 24:40

इन बोलि के, यीशु ऊं तैं अपड़ा हथ अर खुटा दिखैनी।