लूका 23:5 - गढवली नयो नियम

⁵ पर उ अर भि पक्का ढंग ल बुल्ण लगि गैनी, “यु गलील जिला बट्टी अर इख तक सैरा यहूदिया प्रान्त का कूणा-कूणा मा अपड़ी उपदेश दे के कै लुखुं तैं भड़कांणु च।”

Garhwali

⁵ पर वु और जादा जिद्‍द कैरिके बोन्‍न लगि गैनी कि, “अरे यू पूरा यहूदिया मुलक का लोगु तैं अपणा उपदेस का द्‍वारा भड़काणु च। अर येन यू काम गलील मुलक बटि शुरु कैरी छौ, अर अब यू यरूशलेम तक पौंछी गै।”

लूका 23:5 Referans Kwoze

यूहन्ना 2:11

यीशु ल गलील जिला का काना नगर मा अपड़ो यु पैलो चमत्कार का चिन्ह दिखै के अपड़ी महिमा प्रगट कैरी अर वेका चेलों ल वे पर विश्वास कैरी कि उ मसीह च।

यूहन्ना 1:43

दुसरा दिन यीशु ल गलील जिला मा जांणु कु निर्णय कैरी अर फिलिप्पुस तैं मिली के बोलि, “मेरा पिछनै हवे जा।”

मरकुस 1:14

यूहन्ना का पकड़े जांणा का बाद यीशु ल गलील मा ऐ अर लुखुं तैं परमेश्वर का राज्य को शुभ सन्देश कु प्रचार कैरी।

मत्ती 4:23

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

खास चेलों 23:10

जब उख भौत घपरौल हवे अर रोमी पलटण का सेनापति तैं डौर लगि गै कि उ पौलुस का टुकड़ा-टुकड़ा नि कैरी द्यां, सिपै का झुंडों तैं आज्ञा दींनि कि उतरी के सभा का लुखुं का बीच बट्टी पौलुस तैं जबरदस्ती निकली, अर किलै मा ली आवा।

खास चेलों 10:37

तुम तैं वे वचन का बारा मा पता च, जु यूहन्ना का बपतिस्मा का प्रचार का बाद गलील प्रदेश बट्टी शुरू हवे के सैरा यहूदिया प्रान्त मा फैली गै।

खास चेलों 7:57

तब ऊंल जोर से चिल्लै कै अपड़ा कन्दूड़ बूजि दींनि, अर सभि एक मन हवे के वे पर झपटिनि।

खास चेलों 7:54

यूं बातों तैं सूंणि के यहूदी अगुवा भौत गुस्सा हवीनि अर स्तिफनुस पर ऊं की दाड़ी रमसाण लगि गैनी।

खास चेलों 5:33

जब महासभा का सदस्यों ल यु सूंणि त उ भौत गुस्सा हवे गैनी, अर प्रेरितों तैं मरण चांदा छा।

यूहन्ना 19:15

पर उ चिलांण लगि गैनी “वे तैं मर डाला, वे तैं मर डाला!” वे तैं सूली पर चढ़ावा! पिलातुस ल ऊंमा बोलि, “क्य मि तुमारा राजा तैं सूली पर चढ़णै” प्रधान याजक ल जवाब दींनि, “कैसर तैं छोड़ी कै हमारो अर कुई राजा नि च।”

यूहन्ना 7:52

ऊंल वे तैं जवाब दींनि, “क्य तू भि गलील जिला कु छै? परमेश्वर का वचन मा ढूँढ़ अर तू जंणिली कि गलील बट्टी कुई परमेश्वर का तरपां बट्टी बुल्ण वलो प्रगट नि हवे सकदु।”

यूहन्ना 7:41

दुसरा लुखुं ल बोलि, कि यु मसीह च। पर कै कैल बोलि, किलै? क्य मसीह गलील जिला बट्टी आलो?

लूका 23:23

पर भीड़ और जोर से चिल्लै कै पिछनै पोड़ि गैनी कि उ सूली पर चड़ैये जौं अर ऊंकु चिल्लांण भारी पोड़ि गै।

लूका 11:53

जब उ उख बट्टी निकलनी त मूसा की व्यवस्था तैं सिखांण वलो अर फरीसी वेका भौत पिछनै पड़ि गैनी अर छिडण लगि गैनी कि उ भौत सी बातों कि चर्चा कैरा।

मत्ती 27:24

जब पिलातुस ल देखि कि कुछ नि हवे सकदु पर हल्ला और जादा बडणु च त वेल पांणी ले के भीड़ का संमणी अपड़ा हथ ध्वे के बोलि, “मि यु धर्मी की ल्वे से निर्दोष छौं अब तुम ही जांणा।”

मत्ती 2:1

जब राजा हेरोदेस यहूदिया प्रान्त पर शासन कनु छो, त यीशु को जन्म वे प्रान्त का बैतलहम शहर मा हवे, त पूरब का देश बट्टी कथग ही ज्योतिषि यरूशलेम शहर मा ऐ के पुछण लगि गैनी

मत्ती 11:1

जब यीशु ल अपड़ा बारह चेलों तैं उपदेश दियेलि छै त तब यीशु भि ऊंका गलील जिला का नगरों मा शिक्षा अर प्रचार कनु कु उख बट्टी चलि गै।

लूका 23:6

यु सूंणि कै पिलातुस न पूछि, क्य यु मनिख गलीली च?