लूका 23:4 - गढवली नयो नियम

⁴ तब पिलातुस ल प्रधान याजक अर लुखुं कु बोलि, “मि त यु मनिख मा कुई भंगार नि पांणु छौं।”

Garhwali

⁴ अर पिलातुस न मुख्य पुरोहितों अर ऊं लोगु कू बोलि, “मितैं नि लगदु कि यू मनखि दोषी च।”

लूका 23:4 Referans Kwoze

यूहन्ना 18:38

पिलातुस ल ऊंमा बोलि, “सचै क्य च?” अर इन बोलि के उ फिर यहूदियों का अगुवों मा निकली गै अर वेल बोलि, “मि त वेमा कुछ भि भंगार नि पांदु।

1 पतरस 2:22

पिता परमेश्वर को वचन बुल्द कि, “मसीह ल कभी पाप नि कैरी, मसीह ल कभी कुई झूठ नि बोलि।”

लूका 23:22

वेल तिसरी दौं ऊंमा बोलि, “किलै येल क्य बुरै कैरी?” मिल मौत कि सजा का लैख कुई भि बात वेमा नि पै इलै मि वे तैं पिटवै कै छोड़ी दींदु।

मरकुस 15:14

पिलातुस ल पूछि, “किलै येल क्य बुरै कैरी”पर भीड़ और जोर से चिल्लै “यु तैं सूली पर चढ़ै द्या”

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

इब्रानी 7:26

किलैकि यीशु इन महायाजक च जै की हम तैं जरूरत च; उ पवित्र च, अर पापरहित च, अर शुद्ध च, अर वे तैं स्वर्ग मा मथि उठै गै।

मत्ती 27:19

जब उ न्याय आसण पर बैठयूं छो त वेकी घरवलि ल वेकु सवाल भेजि कि “तु वे धर्मी का मामला मा हथ नि डाली किलैकि मिल आज सुपन्या मा वेका कारण भौत दुःख उठै।”

खास चेलों 3:13

अब्राहम कु परमेश्वर इसहाक कु परमेश्वर याकूब कु परमेश्वर छौं हमारा बापदादा का परमेश्वर अपड़ा सेवक यीशु कि महिमा कैरी पर तुम ल वे तैं मरणु कु अधिकारियों का हथ मा सौंपे ली अर जब पिलातुस ल वे तैं छोडणो विचार कैरी तब तुम ल वेका संमणी वेको इंकार कैरी।

खास चेलों 25:25

पर मि जांणि ग्यों कि येल इन कुछ भि नि कैरी जु कि मरै जौं; अर जब वेल खुद ही कैसर बट्टी बिनती कैरी, त मिल वे तैं रोम शहर मा भिजणै की ठांणी दींनि।