लूका 21:8 - गढवली नयो नियम

⁸ यीशु ल ऊं तैं जवाब दींनि, “सचेत रावा कुई तुम तैं भरमै नि साको” भौत सा लोग मेरा नौं बट्टी ऐ के बुलला, “मि मसीह छो” अर बगत भि नजीक च, अर भौत तैं विश्वास बट्टी भरमै दयाला।

Garhwali

^8-9 तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, ‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

लूका 21:8 Referans Kwoze

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

2 थिस्सलुनीकी 2:3

किलैकि प्रभु यीशु का वापिस औंण से पैली लोग पिता परमेश्वर कु विरोध करला अर उ दुष्ट अधर्मी आदिम जै तैं पिता परमेश्वर नरक मा नाश करलो, उ जरुर प्रकट करलो।

इफिसुस 5:6

उ लुखुं द्वारा मूर्ख नि बंणि जु यूं पापों कु बाना बंणौणै कि कोशिश करदा किलैकि यूं ही कामों का कारण पिता परमेश्वर कु गुस्सा आज्ञा नि मनणवलो पर भड़कद।

मत्ती 24:11

भौत सा परमेश्वर कु संदेश दींणवला आला अर भौत सा लुखुं तैं धोखा दयाला।

2 तीमुथियुस 3:13

पर दुष्ट लोग अर धोखाबाज लोग और भि जादा दुष्ट काम करला, उ लुखुं तैं धोखा दयाला अर उ अफ भि दूसरों बट्टी धोखा खाला।

2 यूहन्ना 1:7

मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।

लूका 17:23

लोग तुम मा बुलला “देखा मसीह उख च! देखा इख च! पर तुम चलि जयां अर ऊंकु पीछा नि करयां।”

दिब्य दरस 12:9

यु बड़ो अजगर, उ ही च जु भौत बगत पैली गुरो का रूप मा दिखै छो, जै तैं शैतान या भंगार लगांण वलो भि बुल्दींनि। यु उ ही च जु ईं दुनिया का लुखुं तैं धोखा दींद अर अपड़ा दुष्टदूतों का दगड़ी धरती पर पटकी गै।

मत्ती 4:17

वे बगत बट्टी यीशु ल प्रचार कन अर यु बुल्ण शुरू कैरी “मन फिरावा किलैकि स्वर्ग कु राज्य नजदीक ऐ गै।”

दिब्य दरस 1:3

पिता परमेश्वर हर वे आदिम तैं आशीष दयालो जु ईं भविष्यवाणी तैं दूसरों तैं पढ़ी के सुणांलो, अर उ हर वे आदिम तैं आशीष दयालो जु यु तैं सुणदो अर यु तैं मणद, किलैकि यु सब बात अर चीज भौत जल्द ही होली।

यूहन्ना 8:24

इलै मिल तुम मा बोलि, कि तुम अपड़ा पापों का माफ हुयां बगैर ही मोरि जैला जु तुम मि पर विश्वास नि करिल्या कि मि वींई छौं, जु आंण वलो छों, जु मि बुल्दो छों, उ मि छों, त तुम अपड़ा पापों का कारण मोरि जैला अर तुमारा पाप माफ नि किये जाला।

यूहन्ना 5:43

मि अपड़ा पिता परमेश्वर का अधिकार से अयुं छौं अर तुम मि तैं स्वीकार नि करदां इलै कुई और अपड़ा अधिकार ल औ त वे तैं स्वीकार कैरी लील्या।

मत्ती 3:2

कि, “पापों तैं मांणी कै मन फिरावा किलैकि स्वर्ग कु राज्य नजदीक ऐ गै।”

लूका 21:7

ऊंल यीशु तैं पूछि, “हम तैं बतौ कि यूं बातों ल कब हूंण? अर जब यु बात पूरी हूंण वली हवेलि वेको क्य चिन्ह होलो?”

लूका 21:9

जब तुम लड़ै अर लड़ैयूं कि चर्चा सुणल्या त घबरैयां न किलैकि यूं बातों कु हूंण जरूरी च पर वे बगत तुरंत अंत नि होलो।

यूहन्ना 8:28

तब यीशु ल बोलि, जब तुम, मि मनिख का नौंना तैं ऊँचा पर चड़ैल्या तब जणिल्या कि मि ऊई छौं अर उ जणिल्या की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी या मि अपड़ा तरपां बट्टी नि बुल्द पर जन मेरू बुबा ल मि तैं सिखै उन ही यूं बातों तैं बुल्द छों।

1 कुरिन्थि 6:9

तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।