लूका 21:34 - गढवली नयो नियम

³⁴ इलै सचेत रावा इन नि हो कि तुमारा मन खुमारि अर मतवला पन अर यु जीवन कि चिन्ता फिकर सुस्त हवे जौनु अर उ दिन तुम पर फंदा कि तरौं अचाणचक ऐ जौं।

Garhwali

³⁴ इलै चौकस रा, कखि तुम भि दुनियां का भोग-बिलास मा, दरोळया होण मा, अर जीवन की चिन्ता-फिकर कैरिके अपणा मन तैं यों बातों का भार से दबै नि द्‍या। अर वु दिन एक जाल की तरौं तुम पर अचानक से ऐ जालु।

लूका 21:34 Referans Kwoze

मरकुस 4:19

पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह, परमेश्वर का वचन मा ए के दबै जांदी, अर ऊंका जीवन मा कुछ भि फैदा नि हूंद।

लूका 12:40

तुम मेरा लौटण कु तैयार रावा किलैकि मि मनिख कु नौंनो जै बगत पर स्वर्ग बट्टी आलो जब तुम मेरा आंणै की भि उम्मीद नि करदा होला किलैकि वीं बगत तुम सुचदा भि नि होला।

1 कुरिन्थि 6:10

न चोर, न लोभि, न पियक्कड़, न गल्ली दींणवला, न अंधेर कन वला पिता परमेश्वर का राज्य का वारिस होला।

दिब्य दरस 3:3

वीं शिक्षा तैं याद कैर जु तिल भौत पैली सूंणि छै अर स्वीकार कैरी छै। जु त्वे तैं सिखै गै छै वेको अनुसरण कैर, अपड़ी लापरवाही बट्टी मन फिरौ। जु तू लापरवाही कनी रैलि त मि अचानक औलु, जन रात मा एक चोर आंद, अर तू वे बगत तैं भि नि जांणि सकली जब मि त्वे तैं दण्ड दींणु कु औलु।

2 पतरस 3:14

इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।

गलातियों 5:20

मूर्तिपूजा, जादु-टोंणा, अपड़ा दगड़ियों दगड़ी घींण, एक हैंका दगड़ी झगड़ा, जलन, गुस्सा, विरोध, फूट, अधर्म

1 कुरिन्थि 5:11

पर मेरू बुल्ण इन च, कि जु कुई अपड़ा आप तैं विश्वासी बुल्ण वलो हो अर व्यभिचारी, य लोभि, य मूर्तियों तैं पुजण वलो, य गल्ली दींण वलो, य पियक्कड़, य धोखा दींण वलो हो त वेको दगड़ो नि करयां बल्कि इन मनिख का दगड़ा मा खांणु भि नि खैयां।

मत्ती 13:22

जु झिबलांण मा बुतै गैनी उ यु छिनी जौं ल वचन तैं सूंणि, पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह ऊंमा समैके वचन तैं दबै दींदु अर वे तैं कुछ फैदा नि हुंदा।

लूका 21:8

यीशु ल ऊं तैं जवाब दींनि, “सचेत रावा कुई तुम तैं भरमै नि साको” भौत सा लोग मेरा नौं बट्टी ऐ के बुलला, “मि मसीह छो” अर बगत भि नजीक च, अर भौत तैं विश्वास बट्टी भरमै दयाला।

फिलिप्पी 4:6

कैं भि बात कि चिंता नि कैरा; पर हर एक स्थिति मा प्रार्थना अर बिनती ल धन्यवाद का दगड़ा मा पिता परमेश्वर का संमणी रखे जौनु।

लूका 17:3

सावधान रावा की तु क्य कनि छैं जु तेरा विश्वासी भैय ल अपराध कैर त वे तैं डांट अर जु उ पछतौ त वे तैं माफ कैर।

लूका 10:41

प्रभु यीशु ल वीं तैं जवाब दींनि, मार्था हे मार्था तु भौत बातों की चिंता करदी अर घबरांदि छै।

लूका 8:14

जु झिबलांण मा गिरी उ यु छिनी जौं ल वचन तैं सुणदा त छिन पर बडद-बडद चिंता अर धन दौलत का सुख का फैर मा फंसि जंदींनि अर वे तैं कुछ फैदा नि हुंदा।

मरकुस 13:9

पर तुम अपड़ा बारा मा चौकस रयां किलैकि लोग तुम तैं पकड़ी के यहूदियों का मिलणा का भवन मा सौंपला अर तुम महासभा मा पिटे जैला किलैकि तुम मेरा चेला छा मेरा खातिर राज्यपालों का अर राजाओं का संमणी तुम्हरी अजमैश करे जाली कि ऊंकु गव्है हो।

इब्रानी 12:15

अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।

2 पतरस 3:10

पर पिता परमेश्वर को दिन जरुर अचानक ही वापिस ऐ जालो जन कुई चोर अचानक ऐ जांद। वे बगत आसमान मा गर्जन को शोर होलो, अर आसमान हरची जालो। आसमान मा सब कुछ, मतलब सूरज, जून अर गैणा पूरा ढंग से फुके के पूरा ढंग से आग बट्टी नाश हवे जाला। वे दिन पिता परमेश्वर ऊं सभि कामों तैं प्रकट कैरी दयालो जु लुखुं ल करिनि कि ऊंको न्याय कैर साक।

लूका 21:35

किलैकि उ सैरी धरती का सभि रांण वलो पर इन कै ही आलो।