लूका 20:16 - गढवली नयो नियम

¹⁶ उ ऐ के ऊं किसानों तैं बुरी रीति बट्टी नाश करलो अर अंगूर का बगिचा का ठेका और किसानों तैं दयालो, जु बगत पर वे तैं फल दींणा राला, यु सूंणि के ऊंल लुखुं कु बोलि, “परमेश्वर कैरो त इन नि हो।”

Garhwali

¹⁶ मि तुमतै बतै देन्दु कि, उ ऐके ऊं किसानों को नास कैरी द्‍यालु, अर अंगूरों को बगिचा दुसरो मा सौंपी द्‍यालु।” अर यू सुणी के ऊंन बोलि, “परमेस्वर नि कैरो कि इन हो”

लूका 20:16 Referans Kwoze

लूका 19:27

पर मेरा ऊं बैरियों तैं जु नि चांदा छा कि मि राजा बणु ऊं तैं इख मेरा संमणी लावा अर खत्म कैरा।

खास चेलों 13:46

तब पौलुस अर बरनबास ल निडर हवे के बोलि, “जरूरी छो, कि पिता परमेश्वर को वचन पैली तुम तैं सुणये जांदु; किलैकि जब तुम वे तैं मना कैरी दींद, अर अफ तैं अनन्त जीवन का योग्य नि ठैरांदा, त अब, हम अन्यजाति लुखुं मा जौला।”

मत्ती 21:41

ऊंल यीशु मा बोलि कि “बगिचा को स्वामि ऊं बुरा लुखुं तैं बुरी ढंग से नाश करलो अर अंगूर का बगिचा कु ठेका दुसरा किसानों तैं दयालो जु बगत-बगत पर वे तैं फल दींणा राला।”

मत्ती 22:7

जब राजा ल यु सूंणि त गुस्सा ऐ गै अर वेल अपड़ी सेना तैं भेजि के ऊं हत्यारुं को नाश कैरी दींनि अर ऊंका शहरों तैं फूंकी दींनि।

मत्ती 21:34

जब फल कु बगत नजदीक ऐ त वेल अपड़ा सेवकों तैं जौ कु बगिचा को ठेका लियुं छो। वेको फल लींणु कु किसानों मा भेजि।

मरकुस 12:9

इलै अब अंगूर का बगिचा कु स्वामि क्य करुलु? उ ऐ के ऊं किसानों तैं जान से मारि दयालो अर अंगूरों का बगिचा तैं दुसरा किरायादारों तैं दे दयालो।

लूका 20:15

अर किसानों ल वे तैं खत्म कैरी दींनि अर लांश तैं अंगूर का बगिचा का भैर डोल दींनि। इलै जब अंगूरों का बगिचा कु स्वामि आलो त ऊं किसानों दगड़ी क्य करलो?

रोमियों 3:4

न! बिल्कुल न! बल्कि पिता परमेश्वर हमेशा सच बुल्द, अर हरेक मनिख झूठो ठैरलो, जन परमेश्वर का वचन मा लिख्युं च, “ज्यांसे कि तु अपड़ी बातों मा धर्मी ठैरा अर न्याय कन बगत तु जय पै।”

रोमियों 3:6

न! बिल्कुल न! जु पिता परमेश्वर यहूदियों को न्याय कन मा ठिक नि च, त उ निश्चित रूप बट्टी सैरी दुनिया का लुखुं कु न्याय नि कैरी सकद।

रोमियों 3:31

त क्य हम मूसा की व्यवस्था पर विश्वास का द्वारा अंत कैरी दींदयां? न! बिल्कुल न! पर हम त व्यवस्था तैं वेको सही महत्व दींणा छा जु पिता परमेश्वर ल मूसा का द्वारा द्ये।

रोमियों 6:2

न! बिल्कुल न! हम पाप कु मोरि ग्यां, अर इलै हम तैं पापमय काम नि कन चयणा छिनी।

रोमियों 6:15

त क्य हवे? किलैकि हम व्यवस्था का अधीन न, पर पिता परमेश्वर की दया का अधीन छा, इलै हम तैं पाप नि कन चयणु च।

रोमियों 7:7

त हम यूं बातों का बार मा क्य बोला? क्य व्यवस्था पाप च? न! बिल्कुल न! पर व्यवस्था का द्वारा मि पाप तैं जांण साको। मिल जांणि की लालच कन पाप च, किलैकि व्यवस्था मा इन लिख्युं च, कि “लालच नि कैर।”

रोमियों 7:13

क्य व्यवस्था ल, जु अच्छी च, मि तैं पिता परमेश्वर बट्टी दूर कैरी? न! बिल्कुल न! यु पाप च जैल इन कैरी। पाप ल वीं व्यवस्था जु अच्छी छै इस्तेमाल कैरी अर मि तैं पिता परमेश्वर बट्टी दूर कैरी। ईं रीति बट्टी पाप ल दिखै कि उ सच मा क्य च, अर आज्ञा ल दिखै कि पाप पूरी रीति ल बुरी च।

रोमियों 9:14

त हम ल यूं बातों का बारा मा क्य बुल्ण? क्य पिता परमेश्वर अन्यायी च जब उ जै तैं चौ चुणदो? न! बिल्कुल न।

रोमियों 11:1

इलै मि पुछणु छौं, क्य परमेश्वर ल अपड़ी प्रजा तैं छोडे़ले? न! बिल्कुल न! मि भि त इस्राएली छौं; अब्राहम कु वंशज अर बिन्यामीन का गोत्र मा बट्टी छौं।

रोमियों 11:11

त मि पुछणु छौं, “क्य यहूदी ठोकर लगणा का कारण हमेशा कु पाप मा गिरी गैनी?” न! बिल्कुल न! पर ऊंका अविश्वास का कारण अन्यजातियों तैं उद्धार मिली, कि इस्राएल का लुखुं तैं जलन हो।

1 कुरिन्थि 6:15

तुम तैं मालूम च, कि तुम्हरी देह मसीह का अंग छिनी, क्य एक आदिम तैं अपड़ा देह तैं ले के, जु की मसीह कु च, क्य यु तैं वेश्या का दगड़ी जुड़ण चयणु च? न! बिल्कुल भि न।

गलातियों 2:17

कुछ यहूदी सुचणा छिनी कि हम ल पाप कैरी, किलैकि हम मूसा की व्यवस्था कु पालन कन का बजाय, धर्मी ठैरे जांण कु मसीह पर भरोसा करदा। त क्य यांकू मतलब यु च कि मसीह ल हम बट्टी पाप किये? न! बिल्कुल न!

गलातियों 3:21

त यांको मतलब यु च कि मूसा की व्यवस्था पिता परमेश्वर का करार का खिलाफ च? न! बिल्कुल न! किलैकि जु मूसा का कानून हम तैं अनन्त जीवन दे सकदा, त हम यांको पालन कैरी के पिता परमेश्वर का दगड़ी धर्मी ठैरे जै साका।

गलातियों 6:14

मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।