लूका 2:1 - गढवली नयो नियम

¹ ऊं दिनों मा रोमी सम्राट औगुस्‍तुस कैसर ल अपड़ा सारा साम्राज्‍य की जनगणना की राजाज्ञा निकली, की सारा रोमी साम्राज्‍य का सभि लुखुं का नौं लिखै जौं।

Garhwali

¹ अर ऊं दिनों मा रोमी महाराजा औगुस्तुस की तरफा बटि आज्ञा निकळि, कि रोम सरकार का राज मा रौण वळा लोगु की जनगणना किये जौ।

लूका 2:1 Referans Kwoze

लूका 3:1

रोमी सम्राट तिबिरियुस कैसर का राज्य का पंद्रवां बरस मा जब पुन्तियुस पिलातुस यहूदिया प्रान्त को राज्यपाल छो, अर गलील जिला मा राजा हेरोदेस इतुरैया, अर त्रखोनीतिस मा वेको भैय फिलिप्पुस राजा हेरोदेस इतुरैया अर त्रखोनीतिस का क्षेत्रों पर शासन कनु छो अर लिसानियास अबिलेने का क्षेत्र मा राज्य कनु छो जब हेरोदेस गलील जिला पर राज्य कनु छो।

मत्ती 24:14

अर पिता परमेश्वर का राज्य का बारा मा शुभ सन्देश सैरा दुनिया मा प्रचार किये जालो की सभि जातियों पर गव्है हो तब दुनिया कु अंत हवे जालो।

खास चेलों 25:21

पर जब पौलुस ल बिनती कैरी, वेकी जांच खुद कैसर का द्वारा करये जांण चयणु च; त मिल आज्ञा दींनि, कि जब तक वे तैं कैसर मा नि भेजि दियुं, वेकी रखवली किये जौं।”

फिलिप्पी 4:22

सब पवित्र लोग, खास कैरी कै जु कैसर का कुटुंब का विश्वासी छिनी, उ भि तुम कु प्रणाम बुल्णा छिन।

रोमियों 1:8

पैली मि तुम सभियूं कु यीशु मसीह का द्वारा अपड़ा पिता परमेश्वर कु धन्यवाद करदु छों, किलैकि यीशु मसीह मा तुमारा विश्वास कि चर्चा सैरी दुनिया मा हूंणी च।

खास चेलों 11:28

ऊंमा बट्टी एक पिता परमेश्वर का तरपां बट्टी बुल्ण वलो आदिम जै को नौं अगबुस छो, उ खड़ो हवे अर पवित्र आत्मा की सामर्थ बट्टी ऊं तैं बतै कि पूरी दुनिया मा अकाल पुडण वलो च; अर सच मा यु अकाल सम्राट क्लौदियुस का बगत मा पोड़ी।

खास चेलों 25:11

जु मि अपराधी छौं अर जु मिल मृत्यु दण्ड लैक कुई अपराध करयूं च, त मि तैं मृत्यु दण्ड स्वीकार च; जु यूं यहूदियों का द्वारा लगयां अपराध सै नि च, त कै तैं भि यु अधिकार नि च कि उ मि तैं यूं तैं सौंपी द्यो। मेरी बिनती च कि मेरू न्याय खुद कैसर का द्वारा किये जांण चयणु च।”

मरकुस 16:15

तब यीशु ल ऊंकु बोलि, “तुम सैरा दुनिया मा हर जगह जै कै सभि रांण वलो तैं शुभ सन्देश कु प्रचार कैरा।”

मरकुस 14:9

मि तुम मा सच बुल्णु छौं कि जख कखि भि शुभ सन्देश प्रचार करे जालो उख यु कामों कु भि जिक्र होलो जु ईंल मि दगड़ी कैरी अर लोग ईं तैं बात याद रखला।

मत्ती 22:17

इलै हम तैं बतौ तु क्य समझदी? क्य कैसर तैं कर दींण ठिक च या ठिक नि च।”

लूका 2:3

अर सब लोग अपड़ा नौं लिखौंणु कु अपड़ा पूर्वजों का नगरों कु गैनी।

लूका 2:5

कि अपड़ी गर्भवती मंगेतर मरियम का दगड़ी नौं लिखाणु कु गै।