लूका 18:43 - गढवली नयो नियम

⁴³ तब उ तुरंत दिखण लगि गै अर परमेश्वर बढ़ै करदी वेका पिछनै चलण लगि गै अर सभि लुखुं ल यु देखि के परमेश्वर कु गुणगान कैरी।

Garhwali

⁴³ अर उ तुरन्त दिखण लगि गै, अर परमेस्वर की बडै करद-करद यीशु का पिछनै चलण लगि गै। अर यू काम देखि के सब लोग परमेस्वर को गुणगान करण लगि गैनी।

लूका 18:43 Referans Kwoze

गलातियों 1:24

इलै पिता परमेश्वर ल मि दगड़ी जु कैरी वेकी ऊंल पिता परमेश्वर की महिमा कैरी।

खास चेलों 26:18

कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

खास चेलों 11:18

यु सूंणि के उ शांत हवे गै; अर ऊंल यु बोलि के पिता परमेश्वर की महिमा कैरी, “पिता परमेश्वर ल अन्यजातियों तैं यु वरदान दियूं च कि उ भि पापों तैं छोड़ी द्या अर अनन्त जीवन पै साका।”

खास चेलों 4:21

तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।

लूका 13:17

जब वेल या बात बोलि त वेका सभि विरोधी लज्जित हवे गैनी अर सैरी भीड़ वेकी बढ़ै का कामों से जु उ करदो छो खुश हवेनि।

लूका 5:26

तब सब ईं बात पर भैचक हवे गै छा अर परमेश्वर कि बढ़ै कन लगि गैनी कि आज हम ल भैवचक्क बात दिखिनि।

लूका 4:39

वेल वीं का संमणी खड़ो हवे के जौर तैं झिड़की अर वीं को जौर उतरी गै अर व तुरंत उठि के ऊं सभियूं कि सेवा पांणी कन लगि गै।

मत्ती 21:14

तब अंधा अर लंगड़ा परमेश्वर बट्टी यरूशलेम शहर का मन्दिर मा वेका संमणी ऐनी अर यीशु ल ऊं तैं खूब कैरी।

मत्ती 11:5

कि अंधा दिखणा छिन अर लूला लंगड़ा हिटणा छिन कोढ़ी शुद्ध कि यु जांणा छिन अर बैहरा सुनणा छिन मुर्दा ज्यूंदा कि यु जांणा छिन अर गरीबों तैं शुभ सन्देश प्रचार सुंणये जांणु च।

मत्ती 9:8

सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कन लगि गैनी कि जैल मनिख्युं तैं इन अधिकार दींनि।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

लूका 19:37

जब यीशु वीं जगह का ढलान पै पौंछि जख बट्टी रस्ता यरूशलेम शहर का जैतून डाला का डांडा बट्टी कि उंदार मा जान्दो च चेलों कि सैरी मण्डलि ऊं सभि चमत्कार का कामों का खतिर जु ऊंल देखि छा खुश हवे के जोर कि आवाज मा परमेश्वर कु गुणगान कन लगि गैनी।

लूका 9:43

तब सब लोग परमेश्वर कि बड़ी सामर्थ से चकित हवेनि पर जब सब लोग ऊं सब कामों से जु यीशु ल कैरी छा अचम्भो कना छा त वेल अपड़ा चेलों मा बोलि।