लूका 18:19 - गढवली नयो नियम

¹⁹ यीशु ल वे तैं उत्तर दे के बोलि, “तु की बात कु मि कु अच्छो अर उत्तम बुल्णी छै? कुई उत्तम नि च भस परमेश्वर तैं छोड़ी के कुई अच्छो नि च।”

Garhwali

¹⁹ अर यीशु न वेकू बोलि, “तू मिकू अच्छु किलै बोन्‍नि छैई? परमेस्वर का अलावा कुई भि अच्छु नि च।

लूका 18:19 Referans Kwoze

याकूब 1:17

किलैकि हर एक अच्छो वरदान अर हर एक उत्तम दान पिता परमेश्वर बट्टी ही च अर वे बट्टी ही मिल्दो, जैल आसमान की ज्योतियों तैं बणै। पिता परमेश्वर हमेशा एक ही जन च अर कभि भि छैल का तरौं नि बदलद।

इब्रानी 7:26

किलैकि यीशु इन महायाजक च जै की हम तैं जरूरत च; उ पवित्र च, अर पापरहित च, अर शुद्ध च, अर वे तैं स्वर्ग मा मथि उठै गै।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

लूका 11:13

जब तुम बुरा हवे के अपड़ा नौंना तैं भलि चीज दींण जंणदा छा, त तुमारो स्वर्गीय बुबा भौत जादा बढ़ि के ऊं तैं पवित्र आत्मा दींणु कु तैयार च जु वे बट्टी मंगदो च?

लूका 1:35

स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली।

लूका 18:18

कै मुखिया ल वे तैं पूछि, “हे उत्तम गुरु जी अनन्त जीवन कु वारिस हूंणु कु मि क्य काम कैरू?”

लूका 18:20

तु परमेश्वर की आज्ञाओं तैं त जंणदी ही छै, हत्या नि कन, व्यभिचार नि कन, चोरी नि कन, झूठी गव्है नि दींण, कै तैं अपड़ा फैदा कु कै तैं धोखा नि दींण अपड़ा बुबा अर ब्वे कु आदरमान कन।