लूका 18:14 - गढवली नयो नियम

¹⁴ विश्वास कैरा, सच मा यु चुंगी लींण वला (परमेश्वर बट्टी) धर्मी घोषित किये जांण पर घौर लौटि, न की उ फरीसी, किलैकि हरेक, जु खुद तैं बड़ो बणांदों च, छुटो बणै दिये जालो पर “जु आदिम खुद बट्टी नम्र हवे जांदु उ ऊंचो उठै जांद।”

Garhwali

¹⁴ यीशु न ऊंकू बोलि, “मि तुमतै बतै देन्दु, कि यू फरीसी मनखि ना पर चुंगी लेण वळु मनखि धरमी ठैरैये गै अर घौर चलि गै। किलैकि जु कुई अफ तैं बड़ु बणालु उ छुटो किये जालु, अर जु अफु तैं दीन कैरिके छुटो बणालु वु बड़ु किये जालु।”

लूका 18:14 Referans Kwoze

लूका 14:11

जु कुई अफ तैं बड़ो बंणालु उ छुटु कि यु जालो अर जु कुई अफ तैं छुटु बंणालु उ बड़ो बणैये जालो।

लूका 16:15

यीशु ल वेमा बोलि, “तुम त लुखुं का संमणी अफ तैं धर्मी दिखण पसंद करदयां पर परमेश्वर तुमारा मन तैं जंणदु च किलैकि ज्वा चीज मनिख्युं कि नजर मा महान च उ परमेश्वर का नजीक तुच्छ च।”

याकूब 4:10

प्रभु का संमणी दीन बंणि जावा, त उ तुमारो आदर करलो।

मत्ती 23:12

जु कुई अफ तैं बड़ो बंणालु उ छुट्टा किये जालो अर जु कुई अफ तैं छुटो बंणालु उ बड़ो बणैये जालो।

याकूब 4:6

पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”

लूका 1:52

वेल शासकों तैं वे शासन कनु कु अधिकार ले दींनि अर दीनों तैं सम्मानित करद।

मत्ती 5:3

धन्य छिन उ, जु मन मा परमेश्वर का प्रति अपड़ी जरुरत का एहसास करदींनि, किलैकि स्वर्ग कु राज्य ऊंको ही च।

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

रोमियों 4:5

पर जु पिता परमेश्वर का दगड़ी लायक ठैरे जांण कु काम नि करदो बल्कि बुरा लुखुं कु धर्मी ठैरांण वला पिता परमेश्वर पर विश्वास करदो, वे मनिख कु विश्वास वेको धार्मिकता गिणे जांद।

रोमियों 3:20

मूसा की व्यवस्था कु पालन कैरी के लोग पिता परमेश्वर का दगड़ी धर्मी साबित नि होलो, इलै कि मूसा की व्यवस्था का द्वारा हम स्पष्ट रूप से जंणदा कि हम ल पाप कैरी।

लूका 10:29

पर वेल यूं तथ्य तैं सही ठैरांणु कु की इच्छा बट्टी यीशु तैं पूछि, त मेरू पड़ोसी को च?

रोमियों 8:33

कुई भि हम पर पिता परमेश्वर का संमणी भंगार नि लगै सकदो किलैकि उ ऊई च जु हम तैं अफ दगड़ी धर्मी ठैरांण वलो च।

रोमियों 5:1

इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,