लूका 17:30 - गढवली नयो नियम

³⁰ अर वे दिन भि यु जन होलो जब मि मनिख कु नौंनो को अचानक से दुबारा वापिस आलो।

Garhwali

³⁰ अर ठिक इन्‍नि वे दिन भि होलु, जब मनखि को पुत्र आलु।

लूका 17:30 Referans Kwoze

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

2 थिस्सलुनीकी 1:7

अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।

1 कुरिन्थि 1:7

इन ही कै तुम मा हरेक आत्मिक वरदान च, ज्यांकी तुम तैं जरूरत च, अर तुम तैं हमारा प्रभु यीशु मसीह का वापिस आंण कु इन्तेजार करदां।

1 पतरस 1:13

इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

लूका 21:27

तब उ मि मनिख कु नौंनो तैं सामर्थ अर महिमा का दगड़ा बादलों पर औंण दिखला।

मत्ती 24:3

जब उ जैतून डाला का डांडा पर बैठयां छा त चेलों ल एकुंत मा वेका संमणी ऐ के बोलि, “हम तैं बतौ कि यूं बातों ल कब हूंण? तेरु औणो को अर दुनिया कु अंत को क्य चिन्ह होलो?”

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

1 पतरस 4:13

भस यांका बारा मा खुश रावा, किलैकि तुम तैं ऊं दुखों मा एक हिस्सा मिली जु मसीह तैं मिली छो। इलै, जब मसीह सभि लुखुं तैं अपड़ी महिमा प्रकट कनु कु दुबरा आलो त तुम्हरो आनन्द सच मा भौत बड़ो होलो।

मरकुस 13:26

तब मि मनिख कु नौंनो बदलो मा दिख्योलू अर बड़ी सामर्थ अर महिमा का दगड़ा आंण दिखयोलू।

मत्ती 26:64

यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”

मत्ती 24:39

अर जब तक जलप्रलय ऊं सभियूं तैं बुगै के नि लीगे तब तक ऊं तैं कुछ भि पता नि चैलि उन ही मि मनिख कु नौंनो को औंण भि होलो।

मत्ती 24:37

जन नूह का दिन छा उन ही मि मनिख कु नौंनो को औंण भि होलो।

लूका 21:22

किलैकि यु बदला लींणु को इन दिन होला, जु पवित्र शास्त्र लिखीं सभि बात पूरी हवे जालि।

लूका 17:24

किलैकि जन बिजली आसमान मा पूरब बट्टी पश्चिम तक चमकदी उन ही मि मनिख कु नौंनो कु औंण भि होलो।

लूका 17:29

पर जै दिन लूत सदोम बट्टी निकली वे दिन स्वर्ग बट्टी आग अर गंधक बरसि अर सब लोग जु शहर मा छा नाश कैरी दींनि।

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

कुलुसी 3:4

जब मसीह जु कि हमारो जीवन च दुनिया मा वापिस आलो, तब तुम भि वेका दगड़ा मा महिमा दगड़ी प्रगट किये जैला।

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

1 यूहन्ना 3:2

हे प्रियों, अब हम पिता परमेश्वर कि संतान छा, अर अब तक उ प्रगट नि हवे, कि भविष्य मा हम क्य कुछ बंणि जौला! इथग जंणदा, कि जब यीशु मसीह प्रगट होलो त हम भि वे जन होला, किलैकि हम वे तैं उन ही दिखला जन उ छै च।