लूका 17:1 - गढवली नयो नियम

¹ फिर वेल अपड़ा चेलों मा बोलि, यु बात पक्की च अजमैश मनिख्युं मा जरुर आली जु ऊंको पाप का कारण बंणलि पर हाय वे मनिख पर जैका कारण उ आली।

Garhwali

^1-2 फिर यीशु न अपणा चेलों कू बोलि, “अगर तुम मा बटि कुई यों छुटो तैं पाप करणु खुणि उकसौन्दु, त वे मनखि खुणि यू जादा ठिक होन्दु कि, वेका गौळा मा जंदरु डालि के बन्धे जान्दु, अर वेतैं समुन्दर मा ढुळै जान्दु। अर इन ह्‍वे नि सकदु कि मनखि पाप नि कैरो, पर हाय च वे मनखि खुणि जैकी वजै से यू पापों मा फंसदिन।

लूका 17:1 Referans Kwoze

मत्ती 18:7

ठोकर का कारण से दुनिया पर हाय ठोकर को लगंण जरूरी च पर हाय च वे मनिख पर जैकी तरपां बट्टी ठोकर का कारण पाप हुंद।

1 कुरिन्थि 8:13

इलै, जु मेरा मूर्तियों का संमणी चढ़यूं खांणु बट्टी दुसरा विश्वासी भैय का विश्वास बट्टी पिछनै हटणों कु कारण बणद, त मि तैं उ खांणु कभी भि नि खांण चयणु च।

रोमियों 14:13

इलै अगनैं कु हम एक हैंका पर भंगार नि लगयां पर तुम यु ही ठांणी ल्यावा की कुई भि अपड़ा भैय का संमणी पाप कन या ठोकर खांणु कु कारण नि रख्यां।

1 कुरिन्थि 11:19

हाँ, यु सच च कि तुम्हरा बीच बंटवरो हूंण जरूरी च कि उ, जु पिता परमेश्वर द्वारा चुणयां छिनी, उज्यला मा ऐ जां।

रोमियों 16:17

अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।

मत्ती 16:23

वेल पिछनैं फरकि के पतरस तैं झिड़की के बोलि, “हे शैतान मेरा संमणी बट्टी दूर हवे जा त्वे बट्टी मि तैं ठोकर मिलणी च किलैकि तु परमेश्वर का तरपां बट्टी नि सुचणी बल्कि मनिख्युं कि तरपां बट्टी सुचणी छै।”

1 कुरिन्थि 10:32

मि सभियूं तैं खुश कने की कोशिश करदु, मि अपड़ी भलै का बारा मा नि सुचणु छो, बल्कि सभियूं का भलै का बारा मा सुचणु छो, कि उ बची के उद्धार पै साका। उन ही के तुम भि इन के रा कि यहूदियों या यूनानी अन्यजाति या पिता परमेश्वर का विश्वासियों की मण्डलि कु कुई परेशानी या कुई ठेस पैदा नि हो।

दिब्य दरस 2:14

पर मि तैं तेरु बारा मा कुछ शिकैत च, किलैकि तू ऊं लुखुं कु विरोध नि करदी जु झूठी शिक्षा दींदिनि, जन के पिता परमेश्वर का तरपां बट्टी बुल्ण वला बिलाम ल पिछला बगत मा द्ये छै। बिलाम ल राजा बालाक तैं सिखै कि इस्राएल का लुखुं का पाप कनु कु उकसांणु कु क्य कन चयणु च। वेल ऊं तैं मूर्तियों की बलि चढ़यां खांणु, खांण अर अनैतिक रूप से जीवन जींण सिखै।

दिब्य दरस 2:20

पर मि तैं तेरा बारा मा कुछ शिकैत च, कि तुम वीं जनन इजेबेल तैं झूठी शिक्षा फैलांण दींदयां। उ अपड़ा आप तैं पिता परमेश्वर का तरपां बट्टी बुल्ण वली बुल्द, पर अपड़ी शिक्षाओं बट्टी व मेरा लुखुं तैं व्यभिचार का पापों मा शामिल हूंण कु अर मूर्तियों तैं चढ़ै जांणवला बलिदान का खांणु कु भरमांदी।

लूका 16:31

वेल वेकु बोलि, “जब उ मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की आज्ञा नि मणदींनि त कुई भि मुरयां मा बट्टी ज्यूँदो हवे जौ, तब भि वेकी बातों पर विश्वास नि करिल्या।”

1 तीमुथियुस 4:1

पवित्र आत्मा साफ-साफ बतौंणु च कि आखरी बगत मा भौत सी लोग मसीही शिक्षाओं पर विश्वास कन बंद कैरी दयाला उ, दुष्टात्माओं की शिक्षाओं तैं स्वीकार करला जु ऊं तैं भटकांदी च, अर ऊं झूठी शिक्षाओं पर विश्वास करला,