लूका 16:16 - गढवली नयो नियम

¹⁶ जब तक यूहन्ना बप्तिस्मा दींणवलों ऐ, तब तक मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वला का तुम्हरो मार्गदर्शक च इलै अब स्वर्ग का राज्य कु शुभ सन्देश प्रचार किये जांद अर हर कुई भितर जांणु कु उत्सुक च।

Garhwali

¹⁶ “यूहन्‍ना बपतिस्मा देण वळा का बगत तक मूसा का दियां नियम-कानून अर परमेस्वर का रैबर्यों का बारा मा परचार ह्‍वे। मगर यूहन्‍ना का बाद परमेस्वर का राज का शुभ समाचार का बारा मा परचार किये जाणु च, अर हरेक मनखि वेकी तरफा जल्दी से खिच्येणु च।

लूका 16:16 Referans Kwoze

मत्ती 21:32

किलैकि जब बपतिस्मा दींणवलों यूहन्ना ल तुम तैं बतै की कन कै धार्मिकता से सै ढंग से जींण च त तुम ल वे पर विश्वास नि कैरी पर चुंगि लींण वलो ल अर वैश्याओं ल पश्चाताप कैरी अर वेको विश्वास कैरी अर तुम यु दिखणा का बाद मा भि नि पछ्तयां कि वेको विश्वास कैरी लींदा।

यूहन्ना 1:45

फिलिप्पुस ल नतनएल तैं मिली के वेकु बोलि, “हम तैं उ मनिख मिल गै जैका बारा मा मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो ल लिख्युं छों नासरत नगर बट्टी यूसुफ का नौंनो यीशु छै।

लूका 16:31

वेल वेकु बोलि, “जब उ मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की आज्ञा नि मणदींनि त कुई भि मुरयां मा बट्टी ज्यूँदो हवे जौ, तब भि वेकी बातों पर विश्वास नि करिल्या।”

मत्ती 3:2

कि, “पापों तैं मांणी कै मन फिरावा किलैकि स्वर्ग कु राज्य नजदीक ऐ गै।”

खास चेलों 3:18

पर जौं बातों तैं परमेश्वर का तरपां बट्टी बुल्ण वलो का मुक बट्टी पैली ही पिता परमेश्वर ल बतयले छो कि वेको मसीह दुःख उठालो अर वेल ऊं बातों जु तुम ल कैरी वेका द्वारा वेल वे तैं सच कैरी दिखै।

लूका 16:29

अब्राहम ल वेको बोलि, ऊं तैं चेतावनी दींणु कु मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो का लेख छिनी ऊं तैं वेकी सुनण चयण अर वेको पालन कैरी के मन फिराण चयणु च।

लूका 10:11

कि तुमारा शहर कि धूल भि जु हमारा खुट्टों मा लगिं च हम तुमारा संमणी झाड़ी दींदां तब भि यु जांणि जा कि परमेश्वर कु राज्य नजदीक ऐ गै।

लूका 10:9

उख बीमारों तैं खूब करयां अर ऊंमा बुल्यां कि परमेश्वर कु राज्य नजदीक ऐ गै।

मत्ती 4:17

वे बगत बट्टी यीशु ल प्रचार कन अर यु बुल्ण शुरू कैरी “मन फिरावा किलैकि स्वर्ग कु राज्य नजदीक ऐ गै।”

लूका 9:2

अर बारह चेलों तैं परमेश्वर का राज्य कु प्रचार कनु कु अर बिमारों तैं खूब कनु कु भेजि।

मरकुस 1:14

यूहन्ना का पकड़े जांणा का बाद यीशु ल गलील मा ऐ अर लुखुं तैं परमेश्वर का राज्य को शुभ सन्देश कु प्रचार कैरी।

मत्ती 10:7

अर चलद-चलद यु प्रचार कैरा कि स्वर्ग कु राज्य नजदीक ऐ गै।

यूहन्ना 12:19

तब फरीसियों ल आपस मा बोलि, “सोचा, हम कुछ नि कैर सकदा छा देखा पूरो दुनिया वेका पिछनै हवे गै।”

यूहन्ना 11:48

जु हम वे तैं यु जन कन दींणै की अनुमति द्या त हर कुई मसीह का रूप मा वे पर विश्वास कन लगला अर रोमी ऐ के हमारी जगह अर जाति द्वीयूँ पर हमारा मंदिर अर देश पर बट्टी हमारो अधिकार तैं लै दयाला।

मरकुस 1:45

पर उ भैर जै के यूं बातों कु भौत सारा लुखुं मा प्रचार कन लगि गै, कि यीशु फिर खुलि के और शहरों मा नि जै सैकी, पर भैर एकांत जंगली जगहों मा रै अर सभि जगह बट्टी लोग वेमा औंणा रैनी।

मत्ती 4:23

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

मत्ती 15:11

इन कुई बात नि च जु मनिख्युं तैं भैर बट्टी समैके वे तैं अशुद्ध कैर पर जु चीज मनिख्युं का भितर बट्टी निकलदींनि उ ही वे तैं अशुद्ध करदींनि।

यूहन्ना 5:4

किलैकि सै बगत पर परमेश्वर का स्वर्गदूत कुण्ड मा उतरी के पांणी तैं हिलौंदा छा पांणी हिलै जांण का बाद जु कुई भि कुण्ड मा पैली प्रवेश करदु छो उ खूब हवे जांद छो चै वेकी कुई भि बिमारी किलै नि हो।