लूका 15:24 - गढवली नयो नियम

²⁴ किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।

Garhwali

²⁴ किलैकि मेरु यू नौनु मोरि गै छौ पर अब यू ज्यून्दु ह्‍वे गै।’ अर यू हरचि गै छौ पर अब मिली गै। तब ऊ सब मिली के खुशी मनौण लगि गैनी।

लूका 15:24 Referans Kwoze

इफिसुस 2:5

जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,

कुलुसी 2:13

अर वेल तुम तैं भि, जु अपड़ा पापों, अर खतना का जन तुम्हरो बुरो स्वभाव कटै नि गै छो, पिता परमेश्वर ल तुम तैं मसीह का दगड़ी ज्यून्दो कैरी अर हमारा सब पापों तैं माफ कैरी।

लूका 19:10

किलैकि मि मनिख कु नौंनो हरच्यां लुखुं तैं खुज्योंणु कु अर ऊं तैं बचौणु कु अयुं छों।

इफिसुस 2:1

पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।

लूका 15:4

तुम मा इन कु होलो जै मनिख कि सौ ढिबरा हो, अर ऊंमा बट्टी एक हरचि जौं त उ निन्यानबे तैं एक सुरक्षित एकांत जंगल मा छोड़ी के उ पौड़ो पर जै के वीं हरचिं ढिबरा तैं नि खुज्यालो, जब तक खुज्यालो, जब उ मिली जौ?

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

रोमियों 6:11

इन ही तुम भि अपड़ा आप तैं पाप का जकड़ मा मुरयूं समझा, पर परमेश्वर कु मसीह यीशु मा परमेश्वर की सेवा कनु कु ज्यून्दा छा समझा।

रोमियों 8:2

पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।

रोमियों 12:15

खुशी मनांण वलो का दगड़ा मा खुशी मणांवा अर रूंण वलो का दगड़ा मा रौवे ल्यावा।

यूहन्ना 11:25

यीशु ल वीं मा बोलि, मि ऊई छों जु मुरयां लुखुं तैं जीवन मा वापिस लांदु छों अर जु कुई मि पर विश्वास करदु जु उ मोरि भि जालो तब भि ज्यून्दो रालो।

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

1 कुरिन्थि 12:26

जु देह कु एक अंग दुःख पौंदु त वे दगड़ी देह का सभि अंग भि दुखी हूंदींनि। जु कै एक अंग कु सम्मान बढ़दो च त सभि अंग भि आनन्द मणौंदींनि।

1 तीमुथियुस 5:6

उ विधवा जु अपड़ा सैरो बगत सुख-सुविधाओं मा बितांदी, उ एक मुरयां मनिख जन च, जबकि व देह मा ज्यूंदी च, पर आत्मिक रूप मा मोरि गै।

रोमियों 11:15

किलैकि जब इस्राएल का लुखुं कु छुड़ै जांणा दुनिया का लुखुं कु मेल कु कारण हवे, त जब उ यीशु तैं मसीह का रूप मा अपणैयला अर परिणाम का रूप मा इन होलो जन की परमेश्वर ऊं तैं मरणा का बाद फिर ज्यूंदों कनु हो।

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

यूहन्ना 5:21

किलैकि जन पिता परमेश्वर मुरयां लुखुं तैं ज्यूँदो करदु च उन ही नौंनो भि जै तैं चांदु ऊं तैं जिलौदु च।

मरकुस 8:22

तब यीशु अर वेका चेला बैतसैदा नगर मा ऐ अर लोग एक अंधा आदिम तैं वेमा लैंनि अर वे बट्टी बिनती कैरी कि वे आदिम तैं छवे के ठिक कैरी दे।

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”

यहूदा 1:12

जब यु लोग प्रभु का प्रेम तैं याद कैरी के तुम दगड़ी प्रीति भोज मा खांणु खंदींनि, त यु ऊं खतरनाक चट्टानों का जन छिनी जु समुद्र का मूड़ी छिपियां छिनी जु तुम्हरा डुबणों को कारण बंणि सकदींनि। उ ऊं बेशर्म चरवाहों का जन छिनी जु भस अपड़ी ही चिन्ता करदींनि। उ ऊं बादलों का जन छिनी जु धरती पर बरखा करयां बगैर भस गरजणा रौदींनि। उ ह्यूंद का मौसम का डाला जन छिनी जु द्वी तरपां बट्टी मुरयां हूंदींनि, किलैकि उ कुई फल नि दींदिनि अर जौड़ा बट्टी उखड़ जंदींनि।

लूका 10:19

मिल तुम तैं गुरो अर बिच्छुओं तैं रौंदुणो को, अर शैतान की सैरी सामर्थ पर अधिकार दियूं च अर कै भि चीज बट्टी तुम तैं कुई नुकसान नि होलो।

मत्ती 8:22

यीशु ल वेमा बोलि, “तु मेरा चेला बनण कु मेरा पिछनैं औ, अर जु लोग आत्मिक रूप से मुर्युं छिनी ऊं तैं अपड़ा मुर्दा दफनौंण दे।”

लूका 9:60

यीशु ल वेमा बोलि, “जु लोग आत्मिक रीति बट्टी मुरयां छिन ऊं तैं अपड़ा मुर्दा खडयोण दे पर तु जै के परमेश्वर कि राज्य को शुभ संदेश कु प्रचार सुंणौ।”

लूका 15:23

अर बछड़ा कु बड़ो भोज तैयार कैरी कि हम खां अर अनन्द मणां।

लूका 15:25

पर ये दौरान जब यु सब हूंणु छो वेको बड़ो नौंनो पुंगड़ा मा काम कनु छो। जब उ आंदी बगत घौर का नजीक पौंछि त वेल गाणा बजांण अर नाचणै की आवाज सूंणि।