लूका 13:16 - गढवली नयो नियम

¹⁶ अर क्य ठिक नि छो कि या जनन ज्वा अब्राहम की वंशज च जै तैं शैतान ल अठारह साल बट्टी बंधि के रख्युं छो यहूदियों का विश्राम का दिन जु परमेश्वर कु पवित्र दिन च अपड़ा बंधन बट्टी छुड़ैये जांदी?

Garhwali

¹⁶ त क्या यू काम ठिक नि छौ कि, या नौनि ज्वा कि अब्राहम का वंश मदि च जींतैं शैतान न अठारा साल बटि अपणा कब्जा मा कर्युं छौ, ईं तैं वे बटि आजाद करै जौ।

लूका 13:16 Referans Kwoze

मरकुस 2:27

अर यीशु ल ऊंमा बोलि, परमेश्वर ल यहूदियों का विश्राम का दिन जु परमेश्वर कु पवित्र दिन च मनिख्युं कु बंणये न कि मनिख यहूदियों का विश्राम का दिन जु परमेश्वर कु पवित्र दिन कु।

2 तीमुथियुस 2:26

कि उ अपड़ा होश मा ऐ जौं, अर शैतान की शक्ति बट्टी बची सको, जैल ऊं तैं धोखा द्ये के उ करवै जु उ चांदो च कि उ कैरा।

खास चेलों 13:26

“हे विश्वासी भयों, तुम जु अब्राहम की सन्तान छा; अर पिता परमेश्वर बट्टी डरण वलो अन्यजाति लुखुं, सूंणा, पिता परमेश्वर ल हम मा यीशु का बारा मा यु सन्देश भेजि कि जु लुखुं तैं ऊंका पापों बट्टी उद्धार कनु कु अयुं च।”

यूहन्ना 8:44

तुम अपड़ा बुबा शैतान बट्टी छा अर अपड़ा बुबा कि मनसा तैं पूरी कन चांदा छा उ त पैली बट्टी हत्यारो च अर उ सत्य पर टिक्यूँ नि रै सकद किलैकि वे मा सत्य ही नि च जब उ झूठ बुल्द त अपड़ा स्वभाव या बरतौ का अनुसार ही से बुल्द किलैकि उ झूठ को बुबा च।

लूका 19:9

तब यीशु ल वेकु बोलि, “आज यु घौर मा उद्धार ऐ गै इलै कि यु भि अब्राहम कु वंशज च।”

लूका 3:8

इलै मन फिराव का योग्य काम कैरा। अर अपड़ा-अपड़ा मन म यु नि सोचा कि हमारो बुबा अब्राहम च, इलै मि तुम बट्टी बुल्णु छौं कि परमेश्वर यूं ढुंगो बट्टी अब्राहम कु सन्तान पैदा कैरी सकद।

मत्ती 4:10

तब यीशु ल वेमा बोलि, “हे शैतान दूर हवे जा” किलैकि परमेश्वर का वचन मा लिख्युं च “तु प्रभु अपड़ा परमेश्वर तैं प्रणाम कैर अर भस वेकी आराधना कैर।”

लूका 16:24

तब वेल ऊंची आवाज मा चिल्लै कै बोलि, हे बुबा अब्राहम मि पर दया कैरी कै लाजर तैं भेजि दे कि उ अपड़ी अंगुली तैं पांणी मा भिगै के मेरी जीभ तैं ठंड़ो करलो किलैकि मि ईं ज्वाला मा पिड़ा मा छों।