लूका 12:6 - गढवली नयो नियम

⁶ क्य द्वी पैसा मा पाँच घींडुडी नि बिकद? फिर भि परमेश्वर ऊंमा बट्टी एक तैं भि नि भुलदो।

Garhwali

⁶ “अरे सुणा, क्या दुई घिंडुडि भौत कम कीमत मा नि बिकदिन? फिर भि पिता परमेस्वर ऊंमा बटि एक तैं भि नि बिसरदु।

लूका 12:6 Referans Kwoze

लूका 12:24

चलखुडों तैं देखा उ न त बुतदा छिनी अर न लवैइ करदींनि अर न अपड़ा खत्तों मा बटोरदिन फिर भि तुमारो स्वर्गीय पिता परमेश्वर ऊं तैं खिलांदु तुम निश्चित रुप मा चलखुडों का तुलना मा भौत जादा मूल्यवान छा।

मत्ती 10:29

क्य एक पैसा मा द्वी गौरैयों नि बिकदिंन? तब भि तुमारा बुबा कि इच्छा बगैर ऊंमा बट्टी एक भि धरती पर नि गिरि सकिदि।

लूका 12:27

जंगली फूलों पर ध्यान कैरा कि उ कन कै बड़दिन उ न त मेहनत करदींनि न कपड़ा बंणौंदींनि। तब भि मि तुम मा बुल्ण छौं कि राजा सुलैमान भि अपड़ी सैरी धन दौलत मा बट्टी वे जन कपड़ा पैरदो नि छो।

मरकुस 12:42

इथग मा एक गरीब विधवा ल ऐ के द्वी दमड़ि ज्यांको मतलब द्वी तांबा का सिक्का छा जुंकि सभि लुखुं का संमणी कुई कीमत नि छै डलिनि।